Ázerbaıjanda mýnıtsıpaldy saılaý bastaldy

ASTANA. KAZINFORM — Mýnıtsıpaldy saılaýǵa daýys berý jergilikti ýaqyt boıynsha saǵat 08:00–de bastalyp, 118 saılaý okrýginde ótedi, dep habarlaıdy Kazinform tilshisi.

Protsess 118 saılaý okrýgindegi 5846 saılaý ýchaskesinde júrgiziledi. Elde jumys isteıtin 125 aýdannyń jeteýi bul protseske qatyspaıtyn Qarabaq jáne Shyǵys Zangezýr oblystarynyń azat etilgen aýmaqtarynda ornalasqan.

Saılaý ýchaskelerinde barlyǵy 6 052 721 bıýlleten taratyldy.

Sharany 71 200 taǵaıyndalǵan adam, onyń ishinde 26 000 saıası partııa ókilderi baqylap otyr. Daýys berý kezinde ashyqtyqty qamtamasyz etýdiń barlyq basqa quraldarymen qatar, 1000 saılaý ýchaskesinde veb-kameralar da ornatylǵan.

Daýys berý jergilikti ýaqyt boıynsha saǵat 19:00–de aıaqtalady.

Ázerbaıjanda mýnıtsıpaldy saılaý bes jylda bir ret ótedi. Sońǵy saılaý 2019 jyldyń 23 jeltoqsanynda ótti.

2025 jyly tirkelgen 26 saıası partııanyń 23-i qatysyp, 16 096 kandıdat usynyp otyr. Saılaýǵa oppozıtsııalyq «Mýsavat» jáne «ReAl» (Respýblıkalyq balama) partııalary da qatysyp jatyr.

Barlyǵy 685 mýnıtsıpalıtettiń 8071 múshesi daýys berý nátıjesi boıynsha saılanady.

Buǵan deıin Ázerbaıjan Bolgarııaǵa gaz jetkizýdi eki esege arttyrǵanyn habarlaǵan edik.