Ázerbaıjan men Armenııanyń shekarasynda taǵy atys boldy

ASTANA. KAZINFORM – Ázerbaıjan Armenııany Nahchyvan baǵytyndaǵy pozıtsııalaryn atqylady dep aıyptasa, Erevan bul málimdemeni joqqa shyǵardy.

Ázerbaıjan Qorǵanys mınıstrliginiń málimetinshe, Armenııa aýmaǵynan Nahchyvan avtonomııalyq respýblıkasy baǵytyndaǵy pozıtsııalaryna oq atylǵan.

«7 sáýir kúni shamamen saǵat 17:15-te Armenııa Qarýly Kúshteriniń bólimsheleri Pashaly aýdanynyń Sultanbek eldi mekeni baǵytynda ornalasqan pozıtsııalardan Ázerbaıjan áskeriniń Shahbýz aýdany Shada eldi mekeni baǵytynda Ázerbaıjan áskeriniń Nahchyvan Avtonomııalyq Respýblıkasy Shahbýz aýdanyndaǵy Shada eldi mekenindegi pozıtsııalaryna oq atyldy», - delingen vedomstvo habarlamasynda.

Qorǵanys mınıstrligi málimdemesinde Ázerbaıjan Qarýly kúshteriniń jaýap sharalary qabyldanǵany atap kórsetildi.

Armenııa tarapy Ázerbaıjan pozıtsııalaryn atqylaǵany týraly aqparatty joqqa shyǵarady.

«Ázerbaıjannyń Qorǵanys mınıstrligi jalǵan aqparat taratýdy jalǵastyrýda. Ázerbaıjan Qorǵanys mınıstrliginiń 7 sáýir kúni saǵat 17:15-te Armenııa Qarýly kúshteriniń bólimsheleri shekaralyq aımaqtyń ońtústik-batys bóliginde ornalasqan Ázerbaıjan pozıtsııalaryna oq jaýdyrdy degen habary shyndyqqa janaspaıdy», - delingen Armenııa Qorǵanys mınıstrliginiń málimdemesinde.

Eske sala ketsek, 31 naýryzda Ázerbaıjan Armenııany baılanys shebine áskerı tehnıka jınady dep aıyptady. Erevan bul málimdemelerdi joqqa shyǵardy.

2 sáýirde Ázerbaıjan men Armenııa shartty shekara ýchaskelerinde bir-biriniń pozıtsııalaryn atqylaǵanyn málimdedi.