Ázerbaıjan astanasyndaǵy kınostýdııada jarylys boldy

ASTANA. KAZINFORM – Bakýdiń ıAsamal aýdanynda ornalasqan Dj.Djabbarly atyndaǵy kınostýdııanyń pırotehnıka qoımasynda jarylys boldy. Oqıǵa ornyna polıtsııa qyzmetkerleri jetti, dep habarlaıdy Trend.

Ázerbaıjan Іshki ister mınıstrligi baspasóz qyzmetiniń habarlaýynsha, qazirgi tańda qaýipsizdik sharalary qolǵa alynyp jatyr.

Aldyn ala málimetter boıynsha, azamattar arasynda zardap shekkender joq, jarylys bolǵan aımaqty polıtsııa baqylaýǵa aldy. Órt sóndirý jumystary júrgizildi.

Osyǵan deıin Qytaıdyń shyǵysyndaǵy hımııa kásipornynda jarylys bolǵany týraly jazdyq.