Azamattyq qorǵaý organdarynyń qulaqtandyrý júıesi tekseriledi

NUR-SULTAN. QazAqparat - 2021 jylǵy 29 maýsymda saǵat 9.00-den 12.00-ge deıingi aralyqta azamattyq qorǵaý organdarynyń qulaqtandyrý júıesin tekserý josparlanýda, dep habarlaıdy QazAqparat TJM baspasóz qyzmetine silteme jasap.

Halyqty tótenshe jaǵdaılar týraly qulaqtandyrý jáne aqparattandyrý negizgi qaýipsizdik sharasy bolyp tabylady. Ol turǵyndardy qandaı da bir avarııa nemese tabıǵı qubylystardyń ártúrli faktorlarynan bolatyn qıraýlar saldarynan qorǵaıdy.

Qulaqtandyrý júıesin tekserý barysynda elektr dabyldar men dabyldy sóıleý qurylǵylaryn (daýys zoraıtqyshtar) qysqa ýaqytqa qosý, teledıdar efırlerin jáne radıo arnalaryn ustap qalý, aqparatty ınternet-resýrstar men mobıldi qosmshalarǵa ornalastyrý josparlandyrý.

«Barshanyń nazaryna» dybysty sıgnal – bul eskertý dabyly. Ol tótenshe jaǵdaılar qaýpi bolǵanda nemese týyndaǵanda barlyq shuǵyl habarlamalar berer aldynda halyqtyń nazaryn aýdarý úshin beriledi.

Dybystyq sıgnaldy estigen soń qalyptasqan jaǵdaıda aldaǵy is-áreketteri boıynsha nusqaý alý úshin teledıdar men radıoqabyldaǵyshty qosyp, ınternet-resýrstar men mobıldi qosymshadaǵy aqparatty oqý qajet.

Sonymen qatar qaýipti óndiristik obektiler men gıdrotehnıkalyq qurylysardaǵy jergilikti qulaqtandyrý júıeleriniń jumysy tekseriletin bolady.

Respýblıkalyq qulaqtandyrý júıesin tekserý qorytyndysy boıynsha elimizdiń halqyn ýaqtyly aqparattandyrý men qulaqtandyrýdy qamtamasyz etý boıynsha tıisti sharalar pysyqtalatyn bolady.