Azamattyq is júrgizý kodeksiniń jańa jobasy 2015 jylǵa deıin jasalyp bitedi

ASTANA. QazAqparat - QR Joǵarǵy Soty jańa Azamattyq is júrgizý kodeksin 2015 jylǵa deıin bitirýdi josparlaýda. Bul týraly búgin «Qazaqstan Respýblıkasynyń jańa Azamattyq is júrgizý kodeksi - ýaqyt talaby» atty halyqaralyq konferentsııada QR Prezıdenti Ákimshiligi jetekshisiniń orynbasary Talǵat Donaqov aıtty.

«Memleket basshysynyń tapsyrmasymen elimizde Táýelsiz Qazaqstan kodeksteriniń jańa býynyn jasap shyǵarý jumystary qyzý júrip jatyr. Bul ekinshi býyn. Qazir qyzmet etip júrgen kodekster ózderine júktelgen mindetti tolyq atqardy dep aıtýǵa bolady. Olar elimiz táýelsizdik alǵannan bergi 20 shaqty jylda memlekettiń barlyq ınstıtýttary men qoǵamdyq qatynastardyń qyzmet etýin qamtamasyz etti», - dep atap ótti T.Donaqov.

Onyń aıtýynsha, jańa kodeksterdi jasaý qazirgi Qazaqstannyń talaptaryna saı keledi.

«Qazir jaǵdaı ózgerdi, áleýmettik-ekonomıkalyq qatynastar da jańa satyǵa kóterildi, qoǵam da damydy, sondyqtan osynyń barlyǵyn retteý úshin jańa kodekster qajet. Sol sebepti memleket Joǵarǵy Sotpen birlesip jańa Azamattyq is júrgizý kodeksin jasaýǵa kiristi. Ol aǵymdaǵy jyldyń sońyna qaraı aıaqtalady dep josparlaýdamyz», - dedi T.Donaqov.