Aımaqtar saıası reformalardyń alǵashqy synaq alańyna aınalady – Aleksandr Danılov
«Máslıhattar saılaýynyń qorytyndysyn kórýge asyqpyn, sebebi aımaqtar aldaǵy saıası reformalardyń alǵashqy synaq alańyna aınalady. Ol jaqta aýdandyq ákimderdiń saılaýy ótetinin umytpaýymyz kerek. Shyn máninde partııalar aımaqtarda jyljýǵa úlken múmkindik alady. Endi saılaýdan keıin ne bolatynyn kórýimiz kerek. Ádette Qazaqstanda saılaýǵa deıin keń kólemde úgit-nasıhat naýqany júrgiziledi, odan keıin Parlamentke ótkenderi ara-tura ózderiniń bar ekenin dáleldep qoıady. Qalǵany únsiz qalady», - deıdi Prezıdenttik jastar kadrlyq rezerviniń ókili Aleksandr Danılov.
Sondaı-aq, ol repýtatsııa ınstıtýty qalyptasatynyn aıtty.
«Úgit-nasıhat naýqanynda saıası, qoǵamdyq talqylaýlar áleýmettik jelilerde júzege asty. Áleýmettik jelilerde basqarý qıyn ekenin eskergen jón. Ol jerde qaı partııa kimmen, qalaı jumys istep jatqanyn kórýge bolady. Bolashaqta repýtatsııa ınstıtýty jumys isteıtinine sengim keledi», - deıdi ol.
