Aıkórkem Meldehan ólimi týraly sot protsesinde «Almaty.tv» túsirilim tobyna shabýyl jasaldy
Tımırıazev kóshesindegi Almaty garnızonynyń áskerı soty janynda túsirilim kezinde azamattyq belsendi Baıbah Belıalov túsirilim tobyna sebepsiz bas salyp, jýrnalıst pen teleoperatordy jaralaǵan jáne shtatıvti syndyrǵan. Odan keıin de B. Belıalov balaǵat sózder aıtyp, túsirilim tobyn úrkitip-qorqytqan.
«Biz Aıkórkem Meldehannyń otbasyna orny tolmas qaıǵy úshin kóńil aıtamyz. Sonymen birge, BAQ ókilderine jasalǵan zorlyq-zombylyqty qatań aıyptap, jabaıylyq dep sanaımyz jáne kinálini zańnyń barlyq qatańdyǵymen jazalaýdy talap etemiz. Bas prokýratýradan, Іshki ister jáne Aqparat pen qoǵamdyq damý mınıstrlikterinen qyzmetkerlerimizdiń ar-namysyn, qadir-qasıetin jáne qaýipsizdigin qorǵaý úshin barlyq qajetti sharalardy qabyldaýdy suraımyz», - dep jazylǵan telearna málimdemesinde.
Oqıǵa jóninde QR Aqparat jáne qoǵamdyq damý mınıstrligi ún qatty.
«QR Aqparat jáne qoǵamdyq damý mınıstrligi Almaty.tv arnasynyń túsirilim tobyna qatysty bolǵan jaǵdaı týraly habardar jáne atalǵan máseleni jiti baqylaýda ustaıdy. Sonymen qatar mınıstrlik arna qyzmetkerlerine zań aıasynda qoldaý kórsetýge ázir», - dep jazylǵan mınıstrliktiń Telegram paraqshasynda.
