Aıym Qanaǵatova Albanııadaǵy týrnırde jeńiske jetti
ASTANA. KAZINFORM — Qazaqstandyq tennısshi Aıym Qanaǵatova Albanııa astanasy Tıranada ótken ITF World Tennis Tour Juniors (J30 Tirana) halyqaralyq týrnıriniń jeńimpazy atandy. Bul týraly QTF habarlady.
Aıta keteıik, bul básekede 18 jasqa deıingi sportshylar baq synaǵan bolatyn.
«Jetisý» tennıs ortalyǵynyń 14 jastaǵy tárbıelenýshisi jekeleı synda bas júldeni enshiledi. Sheshýshi matchta otandasymyz avstrııalyq ıÝlııa Erenbergermen sheberlik baıqasty. Úsh setke sozylǵan tartysty fınal 6:4, 3:6, 6:1 esebimen Aıymnyń paıdasyna aıaqtaldy.
Bul trofeı Aıym Qanaǵatovanyń kásibı karerasyndaǵy ITF Juniors serııasy boıynsha alǵashqy júldesi. Jarys barysynda jas otandasymyzdyń tek ózinen jasy úlken ári tájirıbeli qarsylastardy qapy qaldyryp, jeńiske jetýi mańyzdy jetistik boldy.
Aıta ketelik Qazaqstan quramasy Juniors Davis Cup týrnırin ekinshi orynmen aıaqtaǵan edi.
