Aıgúl Soloveva: Oblystar oqý grantyna artyq qarajat suraıdy

NUR-SULTAN. QazAqparat – Oblystyq bilim basqarmalary bilim berý granttaryna artyq qarajat suraýdy ádetke aınaldyrǵan. QR Sybaılas jemqorlyqqa qarsy is-qımyl agenttiginiń janyndaǵy respýblıkalyq arnaıy monıtorıng tobynyń tóraıymy Aıgúl Soloveva osylaı málim etti.

«Bizdiń arnaıy monıtorıngtik top ekinshi jyl qatarynan oqýǵa túsý emtıhandaryna qatysyp keledi. Maǵan bergen esepter boıynsha, kóptegen oblystyq bilim berý basqarmalary memleketten artyq granttar suraǵanyn baıqadym. Saıyp kelgende, ol suranymdary talapkerdiń sanyna sáıkes pe, joq pa, ózderi de bilmeı jatady. Men Aqtóbe oblysy boıynsha osyndaı monıtorıng júrgizilgenin bilemin. Baqylaýshylardy emtıhanǵa jibermegen jaǵdaılar boldy. Sondyqtan arnaıy monıtorıngtik toptardyń komıssııalarǵa engizilýin suraımyn. Onyń protseske qatysý, qatyspaýy uıymdastyrýshylardyń qalaýyna táýeldi bolmaýy kerek. Jańaǵy Aqtóbe oblysynda monıtorıng tobynyń belsendi qatysýynyń arqasynda jergilikti basqarma suraǵan 250 mıllıon teńgege jýyq qarajat únemdeldi. ıAǵnı, granttardyń laıyqty úmitkerge berilýine basa nazar aýdaryldy», - dedi Aıgúl Soloveva.

Onyń pikirinshe, memleket granttarǵa jetkilikti qarajat bóledi. Sol aqshany aqtaý úshin testileýdi kúsheıtý qajet. A. Soloveva Qazaqstannyń damyǵan 30 eldiń qataryna kirý baǵytyn bolashaqta jas mamandar jalǵastyratynyn eske salyp, sol úshin maman daıarlaý, oqýǵa qabyldaý protsesteriniń ádil ótýine qoǵamnyń barlyq toptary múddeli bolýy kerektigin aıtty.