Áıgili frantsııalyq aktrısa Brıjıt Bardo qaıtys boldy

ASTANA. KAZINFORM – Frantsııalyq aktrısa Brıjıt Bardo 92 jasqa qaraǵan shaǵynda kóz jumdy, dep habarlaıdy Kazinform VVS-ge silteme jasap.

Onyń qazasy týraly Brıjıt Bardo qory habarlady.

Brıjıt Bardo 1934 jyly 28 qyrkúıekte Frantsııa astanasynda dúnıege kelgen. Kınodaǵy joly 1950 jyldardyń basynda bastaldy. Araǵa 6 jyl salyp túsken «I Bog sozdal jenşıný» fılmi aktrısanyń juldyzyn jaqty. Aktrısanyń eń tanymal týyndylarynyń qatarynda «Prezrenıe» (1963), «Vıva, Marııa!» (1965), «Babetta ıdet na voıný» (1959), «Oh ýj eta devchonka!» (1956) ı «Istına» (1960) fılmderi bar.

Bardo kınodaǵy mansabyn shamamen 50 jyl buryn aıaqtap, sodan beri ómirin janýarlar quqyǵyn qorǵaýǵa arnady.

Eske sala keteıik, buǵan deıin «Krımınaldyq chtıvo» fılminiń akteri Pıter Grın qaıtys bolǵanyn habarlaǵanbyz.