Áıgili Alibaba baǵaly qaǵazdary Qazaqstan bırjasynda saýdaǵa shyqty
ALMATY. KAZINFORM – Álemdegi eń iri tehnologııalyq eki kompanııanyń baǵaly qaǵazdary KASE-degi saýda-sattyqqa shyǵady.
Búgin, 23 qańtardan bastap Qazaqstan qor bırjasynda (KASE) álemdegi jetekshi tehnologııalyq kompanııalar — Alibaba Group Holding Ltd jáne Baidu Inc. kompanııalarynyń amerıkalyq depozıtarlyq qolhattarymen saýda-sattyq ashylady.
KASE Global alańynda ınvestorlar úshin BABAd (Alibaba ADR) jáne BIDUd (Baidu ADR) baǵaly qaǵazdary qoljetimdi bolady, olardyń baǵasy AQSh dollarymen belgilenedi. Bul quraldar boıynsha market-meıker bolyp «Standard» ınvestıtsııalyq kompanııasy» AQ taǵaıyndaldy. Oǵan KASE-de resmı túrde market-meıker mártebesi berilgen.
- Alibaba men Baidu amerıkalyq depozıtarlyq qolhattarynyń KASE-de paıda bolýy jaı ǵana quraldar jelisin keńeıtý emes, bul – ınvestorlar úshin azııalyq naryqtardyń tehnologııalyq ósimimen úırenshikti ınfraqurylymda, aıqyn baǵa belgileý arqyly tikeleı jumys isteý múmkindigi, — dedi KASE basqarma tóraǵasynyń orynbasary Aınagúl Ysqaqova.
Eske salaıyq, búgin Ulttyq bank bazalyq mólsherlemeni 18% deńgeıinde qaldyrdy.