Aıǵa 5G Wi-Fi balamasy bar ǵylymı observatorııa jetkiziledi

ASTANA. KAZINFORM — Reseı 2037 jyly Halyqaralyq Aıdy zertteý stantsııasyna (ILRS) 5G Wi-Fi balamasy bar 24 saǵattyq alǵashqy ǵylymı observatorııany jetkizýdi josparlap otyr, dep habarlaıdy TASS agenttigi.

— Qazirgi ýaqytta bizdiń aı elektr stantsııasynyń alǵashqy resmı tutynýshysy — ǵaryshtyq observatorııa ázirlenip jatyr. Onyń jańa qoldanbaly sapasy — 5G Wi-Fi analogyn ornalastyrý josparlanǵan. Bul úlken aýmaqta avtomatty zertteý stantsııalaryn ornalastyrýǵa jáne olardan aqparat jınaýǵa múmkindik beredi, — deıdi ortalyq mashına jasaý ǵylymı-zertteý ınstıtýtynyń irgeli jáne qoldanbaly ǵylymı zertteýlerdiń ǵarysh júıeleri bóliminiń meńgerýshisi Konstantın Raıkýnov.

Ol Wi-Fi analogynyń arqasynda avtomatty ǵylymı stantsııalardan Aıdyń «Jerdiń magnıtosferasyna kirýi men shyǵýy» protsesi týraly, sondaı-aq geologııa, seısmologııa jáne tıptik ınertsııa turǵysynan bolyp jatqan protsester týraly derekterdi jınaýǵa bolatynyn aıtty.

— Bul aqparat Wi-Fi arqyly Aıdyń ǵylymı observatorııasyna jiberiledi, onda ol saqtaý quraldaryna jazylady jáne jetkilikti qýatty borttyq relelik keshenniń kómegimen bizdiń Ǵylym akademııasy úshin Jerge jiberiledi, — dep túsindirdi Raıkýnov.

Atap ótkendeı, MLNS Aıda tájirıbelik-zertteý qondyrǵylarynyń keshenin qurýǵa arnalǵan reseılik-qytaılyq joba bolyp tabylady.

Oǵan mynalar kiredi: 

• Jer men Aı arasyndaǵy tasymaldaý júıesi;
• aı betinde uzaq ýaqyt jumys isteýge arnalǵan qoldaý júıesi;
• aı betimen qozǵalý jáne operatsııalardy oryndaý júıesi;
• avtomattandyrylǵan ǵylymı júıeler;
• jerdegi qoldaý jáne qoldanbaly baǵdarlamalyq qamtamasyz etý júıeleri jáne basqa ishki júıeler.

Jobanyń negizgi maqsaty — Aıdy jáne onyń beıbit maqsatta qoldanylýyn zertteý.

Eske sala keteıik, biraz ýaqyt buryn ǵalymdar Marsta ejelgi tirshilik belgilerin tapty.