Áıelin óltirip, balaǵa oq atty: SQO turǵynyna úkimi shyqty

PETROPAVL. QazAqparat – Soltústik Qazaqstan oblysynda áıelin óltirip, qyzy men 12 jasar jıenine qastandyq jasaǵan er adamǵa qatysty sot úkimi shyqty, dep habarlaıdy QazAqparat tilshisi.

SQO boıynsha mamandandyrylǵan aýdanaralyq qylmystyq sot áıelin atyp óltirip, taǵy eki adamdy, onyń ishinde 12 jastaǵy balany óltirýge oqtalý faktisi boıynsha 58 jastaǵy ıÝrıı Glýshkovqa qatysty qylmystyq isti qarady.

Oqıǵa bıyl 10 mamyrda Tımırıazev aýdanynda bolǵan edi. Erli-zaıyptynyń merekelik otyrysy janjalmen aıaqtalyp, áıel qyzynyń úıine ketip qalady. Mas er adam jubaıyn úıine qaıtarmaq bolady, biraq janjal qaıta órship, kúıeýi myltyq pen pnevmatıkalyq tapanshany paıdalanyp, áıelin atyp tastaıdy. Keıin qylmysty jasyrý úshin jıenin jáne onyń anasyn óltirmek bolady.

ıÝrıı Glýshkov áıelin basynan jáne keýdesinen atqan. Keıin 12 jasar jıenine de oq atap, qyzyna qastandyq jasaıdy.

Sotta er adam: «Men olardy óltirgim kelgen joq, tek qorqytpaq boldym», - deıdi.

Sottalýshynyń kinási jábirlenýshiniń, kýágerlerdiń aıǵaqtarymen, oqıǵa bolǵan jerdi qaraý hattamasymen jáne saraptamalar qorytyndysymen dáleldendi. Qylmystardyń jıyntyǵy boıynsha prokýror er adamdy 25 jylǵa bas bostandyǵynan aıyrý jazasyn taǵaıyndaýdy surady. Zardap shegýshiler ony qoldady.

Sottalýshynyń qylmysty mas kúıde jáne qarýdy qoldana otyryp jasaýy – onyń jazasyn aýyrlata tústi. Al múliktik zııandy óz erkimen óteýi er adamnyń jazasyn jeńildetetin jaǵdaı retinde qaraldy.

Sot qylmystyq quqyq buzýshylyqtardyń jıyntyǵy boıynsha er adamǵa 23 jylǵa bas bostandyǵynan aıyrý jazasyn taǵaıyndady. Sottalýshy jazasyn qylmystyq-atqarý júıesiniń eń joǵary qaýipsizdik mekemesinde óteıtin bolady.