Aıdyn Aıymbetovtiń kıteli murajaıǵa tabystaldy
Halyqaralyq mýzeı kúnine oraı ótken «Mýzeıdegi tún» sharasy erekshe uıymdastyryldy. Mýzeı qyzmetkerleri saq patshaıymy Tumar hanym, Qabanbaı batyr, qazaq ádebıetiniń klassıgi Іlııas Jansúgirov jáne taǵy tulǵalardyń keıpine enip, túrli qoıylymdy halyq nazaryna usyndy. Mýzeı qyzmetshilerin kásibı merekelerimen quttyqtaý maqsatynda oblys ákiminiń orynbasary Jaqsylyq Omar arnaıy bardy.
«Mýzeıdegi tún» sharasy - kelýshilerdiń sanyn arttyrýǵa negizdelgen mádenı shara. Mýzeı tarıhty, ata-babalarymyzdyń uly murasyn saqtap, jasóspirimderdiń tárbıesine oń yqpalyn tıgizedi. Búgingi kúni Almaty oblysynda 22 mýzeı jumys isteýde, memleket qoldaýynyń arqasynda oblysta mádenı muralardyń saqtalýyna aıryqsha kóńil bólinedi. Mýzeıge kelýshilerdi qyzyqtyratyn baǵdarlamalar ázirleýde mýzeı qyzmetkerleri de úlken úlesterin qosýda. Osy sátti paıdalana otyryp, barshańyzdy oblys ákiminiń atynan Halyqaralyq mýzeıler kúnimen quttyqtap, Sizderge shyǵarmashylyq tabys, mýzeılerińizdiń irgesi keńeıip, damýyn tileımin», - degen tilegin Jaqsylyq Muqashuly sharanyń ashylý saltanatynda bildirdi.
Merekelik baǵdarlamaǵa sáıkes kelýshiler nazaryna áskerı orkestrdiń súıemeldeýimen «Ár zamandaǵy qarý-jaraqtar» kórmesi usynyldy. Onda Almaty oblysy ІІD-ge ýaqytsha paıdalanýǵa berilgen qarýlar toptamasy qoıylǵan.
«Arheologııa» zalynda oblystyq B.Rımova atyndaǵy drama teatr ártisteriniń oryndaýynda «Tumar hanymnyń Kır patshany jeńýi» atty teatrlandyrylǵan sahnalyq kórinis qoıyldy. Al «Ortaǵasyrlyq qalalar tarıhy» atty ekspozıtsııalyq keshende Esik mýzeıinen ákelingen kóne jádigerler qoıylyp, saz balshyq pen qyshtan jasalǵan ydys-aıaqtar men túrli buıymdar jasaýdyń sheberlik saǵattary kórsetildi. «Eksponattar saryny» sharasy aıasynda mýzeıde «Qobyz saryny» ansambliniń oryndaýyndaǵy kúıler men M.Tólebaevtyń mýzykalyq shyǵarmalary oryndaldy.
