Aıdyn Kárimov Shymkent ákiminiń orynbasary boldy

Shymkent qalasy ákiminiń orynbasary qyzmetine Aıdyn Kárimov taǵaıyndaldy, dep habarlaıdy QazAqparat tilshisi.

Kárimov Aıdyn Meırambekuly 1988 jyly Semeı qalasynda dúnıege kelgen.

L.N.Gýmılev atyndaǵy Eýrazııa ulttyq ýnıversıtetinde, Qazaq qarjy-ekonomıka akademııasynda jáne MNU (Maqsut Narikbayev university) ýnıversıtetinde bilim alǵan.

Eńbek jolynda QR Tótenshe jaǵdaılar mınıstrliginiń «Esepteý tehnıkasy, telekommýnıkatsııalar, ınformatıka jáne sıtýatsııalyq taldaý» RMK-da, «Ulttyq aqparattyq tehnologııalar» AQ-da, «Telekommýnıkatsııalar salasyndaǵy tehnıkalyq súıemeldeý ortalyǵy» RMK-da, Astana jáne Semeı qalalary ákiminiń apparattarynda qyzmet etken.

2012-2016 jyldary QR Ekonomıkalyq damý jáne saýda mınıstrliginiń (qazirgi QR Saýda jáne ıntegratsııa mınıstrligi) Halyqaralyq ekonomıkalyq ıntegratsııany retteý departamentiniń bas sarapshysy, basqarma basshysy, dırektorynyń orynbasary bolyp eńbek etti.

2016-2017 jyldary — QR Premer-Mınıstri Keńsesiniń syrtqy baılanystar jáne hattama bólimi meńgerýshisiniń orynbasary; 2017-2019 jyldary — QR Premer-Mınıstri Keńsesiniń syrtqy baılanystar jáne hattama bóliminiń meńgerýshisi – QR Premer-Mınıstriniń hattama shefi, syrtqy ekonomıkalyq yntymaqtastyq jáne hattama bóliminiń meńgerýshisi laýazymdaryn atqardy.

2019 jylǵy 7 qarashada Premer-Mınıstrdiń ókimimen Premer-Mınıstr Keńsesi basshysynyń orynbasary bolyp taǵaıyndaldy.

2022 -2023 jyldary Abaı oblysy ákiminiń birinshi orynbasary qyzmetin atqardy.

«Qurmet» Ordenimen (2020 j.), QR Prezıdentiniń Qurmet gramotasymen (2014 j.), medaldarmen jáne alǵys hattarmen marapattalǵan.