Aıbek Oralbaı qarsylasyn jeńip, Olımpıada lıtsenzııasyna bir taban jaqyndady

BÝSTO-ARSITsIO. KAZINFORM — Italııanyń Býsto-Arsıtsıo qalasynda ótip jatqan lıtsenzııalyq týrnırdiń 1/8 fınalynda qazaqstandyq boksshy Aıbek Oralbaı senimdi jeńiske jetti. 

Ol Ekvadordan kelgen Hýlıo Sesar Kastılo Torresten basym tústi. 

35 jastaǵy ekvadorlyq Hýlıo Kastılo — 2019 jylǵy álem chempıonatynyń kúmis júldegeri. Úsh Olımpıadaǵa qatysqan.

Aıbek Oralbaı qarsylasynyń myqty tustaryna kúshti toıtarys berip, rıngte saýatty áreket etti. Esep 5:0 boldy. 

Tóreshilerdiń biraýyzdan sheshimimen qazaqstandyq boksshy jeńiske jetti.

Osylaısha, Aıbek 1/4 fınalǵa joldama alyp, lıtsenzııaǵa bir taban jaqyndady.

Parıj Olımpıadasyna joldama alý úshin Aıbek Oralbaı endi amerıkalyq Djamar Tallıdi jeńýge tıis.

23 jastaǵy Aıbek Oralbaı — Azııa chempıony, sondaı-aq Jasóspirimder olımpıadasynda jeńiske jetip, álem chempıonatynyń fınalyna deıin jetken.