Aıazben arpalysqan Ekibastuz: Qala tosynnan týǵan tótenshe jaǵdaıǵa qalaı tótep berdi
27 qarashanyń túninde jergilikti jylý-elektr ortalyǵyndaǵy apat pen jylý magıstarlderiniń búlinýinen 150 myń turǵyny bar Ekibastuz 30 gardýstyq aıazda jylýsyz qaldy. Qalada tótenshe jaǵdaı rejımi jarııalanyp, jóndeý-qalpyna keltirý jumystary 3 aptaǵa jýyq ýaqyt táýligimen jumys istedi. Jylýdan ajyrap qalǵan úılerdi qaıtadan jelige qosý kezeń-kezeńmen júrgizildi. Búginde másele sheshildi: apat zardaby tıgen úılerdiń bárine jylý berildi. 8 jeltoqsanda tótenshe jaǵdaı rejımi resmı túrde alyndy. Endigi jospar boıynsha, 15 jeltoqsanǵa deıin jóndeý-qalpyna keltirý jumystary aıaqtalýy kerek.
Ekibastuzda ne boldy?
27 qarashada Ekibastuz jylý-elektr ortalyǵynda apat bolyp, saldarynan 689 kópqabatty úı jylýsyz qaldy.
«27 qarashada saǵat 01:20-da №11 qazandyq agregaty toqtady. Saǵat 01:30-da №13, 14, 15 qazandyqtardyń agregattary toqtady. Sebebi jeliden kóp mólsherde sý aǵyp ketken edi. Qazirgi tańda №8 jáne №14 qazandyq agregattary iske qosylýda. Jóndeý brıgadalary jumys istep jatyr. Jaqyn arada jylýmen jabdyqtaý kórsetkishteri qalpyna keltiriledi», - dep habarlaǵan bolatyn sol sátte jergilikti jylý-elektr ortalyǵynyń mamandary.
Qalaǵa aýadaı qajet bul ınfraqurylym nysanynda 5 energetıkalyq jáne 5 sý jylytý qazandyǵy, sondaı-aq 1 bý týrbınasy ornatylǵan.
Tótenshe jaǵdaıdyń alǵashqy kúninen bastap arnaıy jedel shtab qurylyp, apattyń saldaryn joıý úshin barlyq qajetti mamandar tartyldy.
Foto: instagram.com/ete_ekb
Energetıka mınıstrligi jylý jelisindegi birneshe qazandyqtyń agregaty bir jolda toqtap qalǵanyn habarlady.
«Jylý jelisindegi aqaýdy joıýǵa jedel brıgada tartyldy, kvartaldyq jelilerde 5 aqaý núktesi anyqtaldy. Basqa da búlingen núktelerdi izdeý júrip jatyr», - degen bolatyn vedomstvo mamandary.
Keıin Pavlodar oblysynyń sol kezdegi ákimi Ábilqaıyr Sqaqov qalanyń jylý jelisinde 10 aqaý núktesi anyqtalǵanyn málim etti. Jóndeý-qalpyna keltirý jumystaryna áýel bastan 15 brıgada qatysty. Apattyń betin qaıtarýǵa 851 adam jumyldyrylǵan.
Foto: Konstantın Shelkov
Qalada jedel túrde 12 jylytý beketi uıymdastyryldy. Onyń jeteýinde turǵyndardan kelgen shyǵyndy óteý týraly ótinishterdi de qabyldap turdy.
Onyń ústine Ekibastuzda gýmanıtarlyq shtab ashyldy. Qazaqstandyqtar sol shtab arqyly jylýsyz otandastaryna kórpe, tok pesh, túneme qap pen ózge de ómirge qajet buıymdar joldady.
Ekibastuzdy jylýmen qamtý toqtatylǵan oqıǵany Prezıdent Qasym-Jomart Toqaev asqan alańdaýshylyqpen qabyldady. Memleket basshysy Úkimet pen Pavlodar oblysynyń ákimdigine Ekibastuzdaǵy jaǵdaıdy qalypqa keltirýdi jáne qalada qıyn jaǵdaıdyń týyndaýyna jol bergen adamdardy jaýapqa tartýdy tapsyrdy.
Nege bir jolda birneshe qazandyqtyń agregaty isten shyqty?
Buǵan deıin QR Energetıka mınıstrligi Atom jáne energetıkalyq qadaǵalaý, baqylaý komıteti men jergilikti ákimdik Ekibastuz turǵyndarynyń qalalyq JEO-da júrgizilip jatqan jóndeý jumystarynyń barysyna shaǵymdanýshylardyń ókilderinen turatyn arnaıy komıssııa qurǵan bolatyn.
Arnaıy komıssııa 9-10 tamyz aralyǵynda Ekibastuzdaǵy JEO-ǵa barǵan da edi. Olar negizgi qondyrǵyny jóndeý jumystary men kún sýyq kezde qazandyqtyń joǵary júktemeni kóterýge daıyndyǵyn teksergen. Komıssııa músheleri JEO basshylyǵyna jóndeý jumystaryn jedeldetýdi tapsyryp ketken.
Foto: facebook.com/pavlodarenergo
Tekserýden keıin jylý qubyrlarynyń ábden tozyǵy jetkenin, tozý kórsetkishi 70%-dan asatynyn tirkegen.
Foto: Valerıı Býgaev
«Jylý qubyrynyń tozýy jyl saıyn, ásirese, jylytý maýsymynyń basynda jylý jelisindegi joǵary apattyń negizgi sebebi bolyp esepteledi. Osy eskirgen dúnıeniń bárin jańalaýǵa jylý energııasyna belgilengen tarıftiń tómendigi múmkindik bermeıdi. Jylý qubyrynyń jalpy uzyndyǵy 342 shaqyrym bolǵanda jyl saıyn shamamen 3-4 km jylý jelileri aýystyrylady», - dep túsinikteme berdi Energetıka mınıstrligi.
Foto: Konstantın Shelkov
Memleket basshysy Premer-Mınıstr Álıhan Smaıylovqa el qalalaryndaǵy problemalyq energetıkalyq aktıvterdi memleket menshigine qaıtarý máselesin qaraýdy tapsyrdy.Sonymen qatar, Qasym-Jomart Toqaev Prezıdent Ákimshiligi Basshysynyń birinshi orynbasary Tımýr Súleımenovtiń basshylyǵymen ortalyq jáne jergilikti atqarýshy organdardyń qysqy jylytý maýsymyna daıyndyǵyn tekseretin komıssııa qurýdy tapsyrdy.
Jaǵdaıdy baqylaýǵa alý jolynda
27 qarashada Ekibastuz ákimi JEO-daǵy jaǵdaı turaqtanǵanyn habarlady.
«Shtattyq rejımde bes qazandyq agregaty jumys istep tur: úsh sý jylytý qazandyǵy, eki energetıkalyq qazandyq. Taǵy bir sý jylytý qazandyǵyn iske qosý boıynsha sharalary qabyldanýda. Bul bizge búgingi tún ortasyna deıin qajetti temperatýra kórsetkishterin 80%-ǵa jáne óńdeý kezinde shamamen 65%-ǵa shyǵarýǵa múmkindik beredi. Osylaısha jalpy qalany tutas jylýmen jabdyqtaý jaǵdaıyn turaqtandyrýǵa múmkindik týyndaıdy», - dedi qala ákimi Aıan Beısekın.
Foto Valerııa Býgaeva
Sondaı-aq, ol qaladaǵy jylý jelileriniń jaǵdaıy qıyndaǵanyn aıtqan edi. Aıtýynsha, qaladaǵy barlyq problema Ekibastuz aýmaǵynda birneshe qubyrdyń tesilýinen týyndaǵan.
Sonyń saldaryn joıý úshin qalada 15-ke jýyq jóndeý brıgadasy quryldy. Olardyń 11-i búlingen aýlalardy joıýǵa jumyldyrylyp, qalǵan tórteýi jańa aqaýlardy anyqtaýmen aınalysty.
Tehnogendik apattyń alǵashqy kúnderinde úsh shaǵyn aýdan áli de jylýsyz turǵan edi.
«Qazirgi tańda úsh shaǵyn aýdan jylýsyz qalyp otyr. № 2 jylý magıstrali ajyratyldy. 130-ǵa jýyq kóppáterli turǵyn úı men 100 jeke turǵyn úı jylýsyz qaldy. Biraq biz áriptesterimizben, turǵyn úı ınspektsııasymen jáne jelini paıdalanýshy uıymdarmen birlesip, júıeniń túgeldeı qatyp qalýyn boldyrmaýdyń qamyn jasap jatyrmyz. Barlyq qajetti is-sharalar ýaqtyly júrgizilýde, túsindirý jumystary da júrgizilýde», - dedi qala basshysy.
Foto: t.me/KZgovernment
Qalada tótenshe jaǵdaı rejımi jarııalandy
QR «Azamattyq qorǵaý týraly» Zańynyń 48-babyna sáıkes Ekibastuz aýmaǵynda qala ákimi Aıan Beısekın jylý jelilerindegi apatqa baılanysty jergilikti aýqymdaǵy tehnogendik sıpattaǵy tótenshe jaǵdaı jarııalady.
Qala ákimdigi bul ýaqytsha shara azamattardyń tirshiligin qamtamasyz etý maqsatynda ǵana qoldanylǵanyn túsindirdi.
28 qarasha saǵat 01:30-daǵy jaǵdaı boıynsha 17 kópqabatty turǵyn úı, bes áleýmettik jáne 21 zańdy tulǵa nysany jylýsyz boldy.
Foto: t.me/KZgovernment
Ákimdik tótenshe jaǵdaı rejımi aýmaqta jóndeý-qalpyna keltirý jumystary tolyq aıaqtalǵanǵa deıin saqtalatynyn habarlady.
Pavlodar oblysynyń ákimi áleýmettik nysandardy aralap shyǵyp, Balalardy qoldaý ortalyǵyndaǵy kontıngentti Pavlodarǵa evakýatsııalaý týraly sheshim qabyldady. Ekibastuz qalasynyń qoldaý ortalyǵy men jasóspirimder úıiniń balalary oqý-saýyqtyrý lagerlerine jiberiletini belgili boldy.
Memleket basshysynyń tapsyrmasy boıynsha QR Premer-Mınıstriniń birinshi orynbasary Roman Sklıar tótenshe jaǵdaı zardaptary tolyq joıylǵanǵa deıin Ekibastuzda qalatyn boldy.
Foto: t.me/KZgovernment
Jylý berý júıesin qalpyna keltirý jumystary kúndiz de, túnde de júrip jatty. Degenmen 4 jeltoqsandaǵy jaǵdaı boıynsha 11 úı áli jylýsyz otyrǵan edi. Bul úılerdegi aqaýdy joıý ońaı bolmaı shyqty. Pavlodar oblysy ákiminiń mindetin ýaqytsha atqarýshy Oleg Krýk onyń sebebin bylaı túsindirdi.
Foto: t.me/KZgovernment
«Qazirgi tańda búkil úılerdiń jylý torabyna, jertólesine jylý berildi. Aýqymdy jumys isteldi. Ǵımarattar arasyndaǵy jeliler men jylý toraptary qalpyna keltirildi. Qazir páterler arasyna jylý tasymaldaıtyn magıstral qubyr men jylý batareıalaryn qalpyna keltirý jumystary júrip jatyr. Ókinishke qaraı, keıbir úılerdiń páter ıeleri kooperatıvteri jeliden sý aǵyzǵan kezde durys istemegen. Sonyń saldarynan atalǵan úılerde jylý batareıalary men páterler arasyndaǵy magıstral qubyrlardy kóptep aýystyrýǵa týra kelip otyr. Óıtkeni, jeli qatyp qalǵan», - dedi ákimdik ókili.
Sondaı-aq, ol jylý júıesi jóndeýge kelmeı jatqan úılerdi atady.
Ol shtab basshysy - Premer-Mınıstrdiń birinshi orynbasary Roman Sklıar jóndeý qyzmetteriniń jumysyn úılestirgenin atap ótti. Ár úıge jaýapty jeke kásiporyn bekitilgen bolatyn.
Foto: t.me/KZgovernment
«Ásirese, Sátbaev 8, Máshhúr Júsip 52, Áýezov 47, 46, 46-A, Sheshenbekov 19-A mekenjaıyndaǵy úılerde problema bar. Shtab jetekshisi, Premer-Mınıstrdiń orynbasary jóndeý qyzmetiniń jumysyn qaıta úılestirgen bolatyn. Endi ár úıge bir-bir kásiporyn bekitildi. Ol kásiporyndardyń birinshi basshylary bekitilgen úıdegi aqaýdy joıý jumystarynyń basy-qasynda júr – qatqan jelini jibitip jatyr. Bul basshylar búkil aqaý joıylǵansha osy istiń basynda bolady», - dedi Oleg Krýk óńirlik kommýnıkatsııalar qyzmetinde ótken brıfıngide.
Foto: t.me/KZgovernment
Roman Sklıardyń málimeti boıynsha, qalaǵa jylý berý jumystaryn qalpyna keltirýge jeti iri kásiporyn atsalysqan. Olardyń árqaısysy kópqabatty úılerge jaýapty bolyp bekitilgen.
Foto: t.me/KZgovernment
5 jeltoqsanda 71 kópqabatty úıdiń jertólesine jylý berildi.
Týra osy kúni qala ákimdigi aptalap jylýsyz qalǵan problemaly 12 úıdiń jylý batareıasy jańalanǵanyn habarlady. Sondaı-aq, páterler arasyna jylý taratatyn magıstral qubyrlar jóndelgen. Jalpy apat kezinde 2 myńdaı jylý batareıasy aýystyrylǵan.
Foto: t.me/KZgovernment
Jylý jeliden ajyratylǵan úılerdiń bárine oraldy
7 jeltoqsanda Premer-Mınıstrdiń birinshi orynbasary Roman Sklıar Ekibastuzdaǵy tehnogendik apat kezinde aqaý shyqqan úılerdiń bárine jylý berilgenin málim etti.
«7 jeltoqsan kúngi saǵat 8.00-degi jaǵdaı boıynsha zardap shekken úılerdiń bárine jylý berildi. Jelidegi sýdyń jylý kórsetkishteri 83 gradýs bolyp kirip, 56 gradýs jylýmen qaıtyp jatyr. Sýdyń qysymy 8,8 kg/sm2», - dedi Roman Sklıar.
Foto: t.me/KZgovernment
Ol qaladaǵy jylý jaǵdaıy úsh kún ishinde tolyǵymen qalypqa kelýi kerek ekenin atap ótti.
«Energııa kózi shtattyq rejımde jumys istep tur. Ekibastuz jylý-elektr ortalyǵy qaladaǵy jaǵdaıdy qalypqa keltirý úshin barlyq qajetti kúshti jumsaýda. Biraq, ókinishke qaraı, sońǵy kúnderdegi oqıǵalardyń saldarynan paıda bolǵan gıdravlıkalyq rejımniń teńgerimsizdigi, sonyń ishinde tutynýshylar men PIK-tiń jeliden ruqsatsyz sý aǵyzýy bul jumysty qıyndatyp jatyr. Barlyq turǵyndarǵa shydamdylyq úshin alǵys bildiremiz jáne aldaǵy 2-3 kúnde birlesken kúsh-jigermen jylý berý jaǵdaıy tolyǵymen qalypqa keledi dep kútemiz», - delingen arnaıy jedel shtabtyń habarlamasynda.
Foto: t.me/KZgovernment
8 jeltoqsanda Memleket basshysy Qasym-Jomart Toqaev Pavlodar oblysynyń ákimi Asaıyn Baıhanovty qabyldap, Ekibastuz jylý-elektr ortalyǵyndaǵy apattyń beti qalaı qaıtarylyp jatqanyn tyńdady.
Foto: akorda.kz
Aımaq basshysynyń sózinshe, Ekibastuzdy apattan keıin qalpyna keltirý jumystaryn 15 jeltoqsanǵa deıin aıaqtaý josparlanyp otyr.
Tóreshi – ýaqyt
Ekibastuz jylý-elektr ortalyǵyndaǵy apat shyǵyn aýqymy jóninen ótip bara jatqan jyldaǵy eń iri apat bolyp tur. Turǵyndardan baspanasynyń jylýsyz qalǵany týraly 2000-nan astam shaǵym túsken. Kem degende 12 kópqabatty úıdiń jylý batareıalary aýystyrylyp, páterge jylý tasymaldaıtyn magıstral qubyr jóndelgen. Ákimdiktiń aldynda apattan keıingi qalpyna keltirý jumystaryn aıaqtaǵan soń kelgen shyǵyndy esepteý deıtin sharýa tur.
Foto: t.me/KZgovernment
Sarapshylar Ekibastuzda bolǵan oqıǵa teorııalyq turǵydan elimizdiń basqa qalalarynda qaıtalanýy múmkin ekenin aıtyp, dabyl qaǵýda. Másele, qondyrǵylar men jelilerdiń tozǵanynda ǵana emes, mundaı mańyzdy nysandardy basqarýdyń tıimsiz tásilinde bolyp tur.
Bul tıptes nysandardyń menshik ıesin aýystyrý qajettigi týraly da kóp áńgime aıtylyp júr. Biraq Úkimet tozyǵy jetip, qalt-qult etip turǵan nysandardy satyp ala salýǵa asyqpaıtynyn baıqatty.
Buǵan deıin Aleksandr Klebanov Ekibastuz jylý-elektr ortalyǵyn memleketke 1 teńgege satýǵa daıyn ekenin málimdegen. 5 jeltoqsanda Úkimet basshysynyń orynbasary Serik Jumanǵarın sol usynysqa pikir bildirdi.
«Bul másele áli taldaý satysynda tur. Munda sheshim qabyldamaı turyp, onyń jaǵdaıyn tekserý kerek. Eger bul memleketke úlken aýyrtpalyq salsa jáne is júzinde biz obektini alyp, ıesine syılyq jasaǵandaı bolamyz. Sosyn oǵan barlyq qarajatty salamyz. Sondyqtan, eń aldymen, jaǵdaıdy birlesip túzetý máselesin qarastyrý qajet», - dedi Serik Jumanǵarın Úkimette jýrnalısterge bergen suhbatynda.
Sonymen birge Serik Jumanǵarın Aleksandr Klebanovtyń Ekibastuz JEO-syn memleketke bir teńgege satýǵa daıyndyǵy týraly pikir bildirdi.
«Úkimet bul ortalyqty bir teńgege satyp alyp, 1 mlrd teńge shyǵynǵa ushyraýy múmkin. Sol úshin JEO jaı-kúıin tolyq qarastyryp, qansha qarajat ketetinin taldaý kerek», - dedi Vıtse-premer.
8 jeltoqsannyń keshinde Ekibastuzdaǵy tótenshe jaǵdaı rejımi kúshin joıdy. Jóndeýshi brıgadalarǵa áli birneshe kún tabandy eńbek etý qajet. Óıtkeni jeke sektordy jylýǵa jalǵaý jumystary áli bitken joq. Qalanyń mektepteri men balabaqshalary jylý jelisindegi temperatýra rejımi ábden qalypqa kelgenine kóz jetkennen keıin ǵana shtattyq jumys rejımine kóshedi.
Apattan turǵyndarǵa kelgen shyǵyndy óteý tolyǵymen basty aıypker — «Ekıbastýzteploenergo»JShS-ne júktelip otyr. Jylýmen jabdyqtaý kásiporyndary qarasha men jeltoqsan aılary úshin turǵyndardan kommýnaldyq tólem talap ete almaıtyny da aldyn ala aıtyldy. ıAǵnı, jylýsyz qalyp, áýpirimmen jelige qosylǵan úılerdiń turǵyndary 2 aı jylý tóleýden bosatylyp otyr. Bul 150 myń turǵyny bar qalany qys ortasynda tehnogendik apat tutqynynda qaldyrǵan kompanııanyń aldyna qoıylǵan ádiletti talaptyń biri ǵana bolsa kerek.
Negizgi foto: pavlodarnews.kz
