Aıaz saldarynan keshikken poıyzdarda tegin tamaq berilýde

ASTANA. QazAqparat - Aıaz saldarynan keshikken poıyz jolaýshylaryna tegin tamaq berilip jatyr, dep habarlaıdy «QazAqparat» HAA «Jolaýshy tasymaly» AQ baspasóz qyzmetine silteme jasap.

Buryn habarlanǵanyndaı, aıazǵa baılanysty jáne adamdardyń qaýipsizdigin qamtamasyz etý maqsatynda jolaýshylar poıyzynyń jyldamdyǵyna shekteý qoıý týraly sheshim qabyldanǵan bolatyn.

«Qolaısyz aýa raıynda joldaǵy poıyzdarda qajetti jaǵdaıdyń bári jasalyp jatyr, vagondarda tıisti aýa temperatýrasy saqtalýda. Budan tys, №704 «Petropavl-Almaty», №702 «Astana-Almaty», №90 «Astana-Qyzylorda», t.b. poıyzdardyń meıramhana vagondarynda 600 jolaýshyǵa arnalǵan tegin tamaq berý uıymdastyryldy», - delingen habarlamada.