Aıagózde órtengen úıden 4 balanyń denesi tabyldy

2023 jylǵy 25 qazanda saǵat 10:49-da Tótenshe jaǵdaılar basqarmasynyń kúshteri men quraldaryn jedel basqarý ortalyǵynyń pýltine Aıagóz qalasynda jeke úılerdiń birinde tútin shyqqandyǵy týraly habar kelip tústi.

Oqıǵa ornyna 6 adamnan turatyn qutqarýshylar brıgadasy jedel jetti, dep habarlaıdy Kazinform Abaı oblysynyń ákimdigine silteme jasap. 

Órt sóndirýshiler oqıǵa ornyna kelgennen keıin bólmelerdiń birinde 20 sharshy metr aýmaqta jıhazdar men jeke zattary janǵanyn anyqtady. Órt saǵat 11:10-da oqshaýlanyp, 11.24-ge tolyq sóndirildi. Órttiń sebebi anyqtalýda.

Oqıǵa ornynan tórt balanyń denesi tabyldy.

Ólimniń sebebi anyqtalýda. Tıisti saraptama taǵaıyndalyp, polıtsııa tergeý júrgizýde.

Qazirgi ýaqytta otbasy múshelerine barlyq qajetti kómek kórsetilýde.