Avtorlyq quqyq máselesine memlekettik monopolııa engizý usynysy nege qabyldanbady

ALMATY. KAZINFORM - Almatyda Ádilet vıtse-mınıstri Botagóz Jaqselekova avtorlyq qoǵam ókilderimen kezdesip, osy saladaǵy máselelerdi talqylady. 

Buǵan deıin Úkimet avtorlyq quqyq máselesine memlekettik monopolııa engizý usynysyn qoldamaǵanyn jazǵanbyz.

Almatydaǵy kezdesýden keıin vıtse-mınıstr Botagóz Jaqselekova Kazinform tilshisine bastapqy usynys nelikten qabyldanbaǵanyn túsindirdi.

- Eń basynda bul Mádenıet jáne aqparat mınıstrliginiń zań jobasy boldy. Ol boıynsha memlekettik monopolııa engizilýi qajet edi. ıAǵnı, el boıynsha barlyq avtordyń quqyqtaryn ujymdyq basqarý uıymdary bir sátte jabylyp, olardyń mindetin respýblıkalyq memlekettik kásiporyn atqarýy kerek boldy. Biraq bul tehnologııasy, iske asyrý tásilderi qarastyrylmaǵan shıki usynys boldy. Sondyqtan Úkimet usynysty qoldamady, - dedi ol.

Botagóz Jaqselekova Almatyda ótken jıynda Parlament depýtattarynyń ekinshi usynysy talqylanǵanyn atap ótti. Ol boıynsha avtorlarǵa arnalǵan biryńǵaı platforma ázirlenedi.

- Endi Parlament zııatkerlik menshik týraly ekinshi zań jobasymen kelip otyr. Depýtattar memlekettik monopolııa jaıly usynysta qadamdar tolyq oılastyrylmaǵanyna kelisip, endi máselege keshendi túrde kelýdi usynyp otyr. Ol boıynsha memleket tehnologııalyq jaǵyn alady. Avtorlarǵa arnalǵan biryńǵaı platforma ázirleıdi, biraq eshkimdi shektemeıdi. Bul bárine ortaq bolatyn sheshim. Ol kezde avtorlyq quqyq jóninde qansha uıym bolǵany mańyzdy emes. Óıtkeni barlyq avtor bir reestrde bolady, onda ánderi tirkeledi jáne aqshasy túsip otyrady. Bul negizgi ózgeris, biraq zań jobasy endi ǵana talqylanyp jatyr. Oǵan áli Úkimet qorytyndysy bolady, - dep atap ótti vıtse-mınıstr.

Eske salaıyq, byltyr sottarǵa avtorlyq quqyq boıynsha 300-ge jýyq shaǵym túsken.