Avtonomdy qazandyqtardyń 80 paıyzy qys merzimine daıyn

ASTANA. QazAqparat – Bıyl elimizde 593 shaqyrym jylý berý jelisin jóndeý josparlanǵan. Bul týraly Indýstrııa jáne ınfraqurylymdyq damý vıtse-mınıstri Іlııas Ospanov aıtty, dep habarlaıdy QazAqparat tilshisi.

«Óńirlerde ınjenerlik ınfraqurylymdy josparly jóndeý jalǵasyp jatyr. Jalpy el boıynsha 593 shaqyrym jylý jelisin jóndeý josparlanyp, 382 shaqyrymy nemese jospardyń 64,4%-y (alpys tórt te tórt paıyzy) iske asyryldy. 4 óńir (Almaty (15,5%), Mańǵystaý (21,3%), Qyzylorda (47,9%), Abaı oblystary (49,6%)) boıynsha jelilerdiń jóndelýi 50%-dan tómen oryndaldy», - dedi І.Ospanov Úkimet otyrysynda.

Onyń aıtýynsha, 10 óńirde jumystardyń oryndalýy 50- 75% aralyǵynda. Al 6 óńirde jóndeý 75 paıyzdan joǵary deńgeıde atqaryldy.

«Avtonomdy qazandyqtar da aldaǵy jylytý maýsymyna deıin daıyndyq kezeńinen ótedi. Bıyl 13 myńnan astam avtonomdy qazandyqtardy qysqa daıyndaý qajet. Jumys 80,7% oryndaldy, 11 myńǵa jýyq qazandyq daıyndaldy. Basqa óńirlermen salystyrǵanda, jumystyń tómen qarqyny Almaty (55,1%), Jambyl oblystarynda (67,3%) jáne Shymkent qalasynda (73,9%) baıqaldy», - dedi vıtse-mınıstr.

Budan buryn habarlanǵandaı, aldaǵy jylý berý maýsymyna daıyndyǵy tómen óńirler ataldy.