Avtokólik satyp alýǵa lızıng tetigi engiziledi
ASTANA. KAZINFORM – Jeke tulǵalarǵa jeńil avtokólik satyp alý boıynsha lızıng tetigi engiziledi. Bul azamattardyń avtokólik satyp alý múmkindikterin keńeıtýge baǵyttalǵan.
Ónerkásip jáne qurylys mınıstri Ersaıyn Naǵaspaev elde azamattar úshin avtokólik satyp alý múmkindikteri keńeıtilip jatqanyn aıtty.
— Memleket basshysynyń tapsyrmasy boıynsha Úkimet aǵymdaǵy ekonomıkalyq reformalar sheńberinde birqatar shara daıyndady.
Olardyń biri otandyq avtoóndirýshiler men ekinshi deńgeıli bankter halyqtyń jeńil avtokólik satyp alýyn qarjylandyrý jónindegi baǵdarlamalaryn odan ári jalǵastyrý, budan bólek halyqaralyq tájirıbege sáıkes, jeke tulǵalar úshin jeńil avtokólik satyp alýǵa lızıng tetigi engizilip jatyr.
Lızıng — avtokólikti menshikke satyp alý quqyǵy men uzaq merzimdi jaldaý. Bul sharalar halyqtyń ál-aýqatyn jaqsartýǵa jáne azamattardyń avtokólik satyp alý múmkindikterin keńeıtýge baǵyttalǵan, — dedi Ónerkásip jáne qurylys mınıstri.
Aıta ketelik Prezıdent Bektenovke Úkimettiń ekonomıkalyq baǵdarlamasyn iske asyrýǵa qatysty tapsyrma bergen edi.