Avstralııada shahtadaǵy jarylystan eki adam qaza tapty

ASTANA. KAZINFORM — Jańa Ońtústik Ýelste shahtadaǵy jarylystan bir er jáne bir áıel adam qaza tapty, dep habarlaıdy Belta agenttigi. 

Bul týraly shtattyń polıtsııa qyzmeti jarııalaǵan.

— Búgin tańerteń eldiń Qıyr Batys aımaǵyndaǵy jerasty shahtasynda bolǵan jarylys saldarynan eki adam qaza tapty, — dep habarlady polıtsııanyń baspasóz qyzmeti. 

Zardap shekken bir azamat shok kúıinde aýrýhanaǵa jetkizildi.

Qazir oqıǵa ornynda tótenshe jaǵdaılar qyzmeti jumys istep jatyr.

Buǵan deıin Venesýelada altyn óndiretin shahta opyrylyp, 14 adam kóz jumǵan bolatyn. 

Sondaı-aq Qytaıdyń shyǵysyndaǵy qaraýsyz qalǵan shahtada 5 adam qaza tapty.