Avstralııa Iran elshisi men úsh dıplomatty elden shyǵardy

ASTANA. KAZINFORM – Avstralııanyń Tegerandaǵy elshiligi jumysyn toqtatqan soń avstralııalyq dıplomattardyń barlyǵy Irannan ketti, dep habarlaıdy ABC.

Avstralııa qaýipsizdik qyzmeti men barlaýy elde jasalǵan keminde eki antısemıttik shabýyldardyń artynda Iran turdy dep esepteıdi. Sol sebepti Kanberra Tegeranmen dıplomatııalyq qatynastardy úzdi.

Barlaý agenttiginiń málimetterinshe, ótken jyly Melbýrndegi sınagoga men Sıdneıdegi meıramhanaǵa jasalǵan shabýyldardyń artynda Irannyń Islam revolıýtsııasy saqshylar korpýsy turdy.

- Avstralııalyqtar eki nárseni qajet etip otyr. Olar birinshi Taıaý Shyǵystaǵy adam óltirý toqtasa deıdi jáne olar Taıaý Shyǵystaǵy jaǵdaıdyń osynda kelýin qalamaıdy. Al Iran osyny jasaǵysy kelip otyr,-dedi premer-mınıstr Entonı Albaneze.

Syrtqy ister mınıstri Pennı Vong Avstralııanyń sheteldik elshini elden shyǵarý jaǵdaıy Ekinshi dúnıejúzilik soǵystan keıin alǵash ret bolyp otyrǵandyǵyn málimdedi.

Barlaý agenttiginiń málimetterinshe, dıplomattar da, elshilik qyzmetkerleri de buǵan aralasqan joq.

Degenmen Ahmet Sadegı men Irannyń dıplomatııalyq mıssııasynyń úsh qyzmetkerine jeti kún ishinde elden ketý týraly habarlanǵan.

Tegeran ázirge bul másele týraly eshteńe aıtpady.

Osyǵan deıin Irannyń naýryz aıynan beri qujatsyz júrgen 1,2 aýǵandyqty eline qaıtarǵany týraly habarladyq.