Aýyl sharýashylyǵyn sýbsıdııalaý júıesin jetildirý boıynsha túpkilikti ózgerister toptamasy ázirlenýde
«Memleket basshysynyń 2022 jylǵy 11 qańtarda QR Parlamenti Májilisinde sóılegen sózinde bergen tapsyrmalaryn oryndaý úshin Aýyl sharýashylyǵy mınıstrligi mynadaı birqatar júıeli sharalar qabyldaıtyn bolady. Memleket basshysynyń tapsyrmasymen salany memlekettik qoldaý júıesin túzetý boıynsha usynystar daıyndaldy. Olar, eń aldymen, qoldaý tetikterin ońaılatýǵa, baǵyttaryn ońtaılandyrýǵa, sharýashylyq júrgizýdiń mólsheri men nysandaryna qaramastan, barlyq sýbektiler úshin teń qoljetimdilikti qamtamasyz etýge baǵyttalatyn bolady. Sondaı-aq sýbsıdııa alýshylar naqty ındıkatıvtik kórsetkishterge qol jetkizý týraly qarsy mindettemelerdi mindetti túrde qabyldaıtyn norma engiziledi», - dedi mınıstr.
Onyń atap ótýinshe, usynystardy qazirgi ýaqytta qurylǵan Agroónerkásiptik keshendi memlekettik qoldaýdyń tıimdiligin arttyrý jónindegi jumys toby qaraýda. Oǵan salalyq qaýymdastyqtar men odaqtardyń, agrobıznestiń, ǵylymnyń, múddeli memlekettik jáne jergilikti atqarýshy organdardyń ókilderi, sondaı-aq Qazaqstan Respýblıkasy Parlamentiniń Senaty men Májilisiniń depýtattary kirdi. Qazirgi ýaqytta jumys tobynyń úsh otyrysy ótti.
«Jumys toptarynyń qorytyndylary boıynsha óńirlerden, salalyq odaqtar men qaýymdastyqtardan, jumys toby múshelerinen agroónerkásiptik keshendi sýbsıdııalaýdyń jańa júıesine kóptegen usynystar men eskertýler kelip tústi. Olar júıelendirilip, negizdi usynystar men eskertýler sýbsıdııalaý júıesin pysyqtaý kezinde eskeriletin bolady. Jumys toptaryn ótkizý qorytyndysy boıynsha 2022 jylǵy naýryzda sýbsıdııalaý júıesin jetildirý boıynsha túpkilikti ózgerister toptamasyn Úkimettiń qaraýyna engizý josparlanýda», - dedi ol.
Sonymen qatar ol mınıstrlik sýbsıdııalaýdyń biryńǵaı ıntegratsııalanǵan memlekettik aqparattyq júıesin ázirlegendigin atap ótti.
«Aqparattyq júıeniń kórsetiletin qyzmetteri sýbsıdııa alýshylar úshin tegin bolady. Qazirgi ýaqytta ony Aqmola oblysynda pılottyq rejımde testileýden ótkizbekpiz», - dedi Erbol Qarashókeev.
