Aýyl sharýashylyǵyn sýbsıdııalaý baǵyttarynda qandaı ózgerister bolady
«2017 jyldan bastap biz ósimdik sharýashylyǵyndaǵy taýarlyq-spetsıfıkalyq sýbsıdııalardy azaıta bastadyq. Máselen, aldymen dándi daqyldardy, sosyn maıly jáne kókónis-baqsha daqyldaryn sýbsıdııalaýdan bas tarttyq. Qazirgi ýaqytta iri qara mal etine, jumyrtqa, qymyz ben shubatqa, kúrishke, maqtaǵa arnalǵan sýbsıdııalardy alyp tastaýdy josparlap otyrmyz. Óıtkeni bul taýarlar boıynsha elimizdiń ózin-ózi qamtamasyz etý deńgeıi turaqty. Bul rette bosatylǵan qarajat salada qalady. ıAǵnı, olar azaımaıdy jáne eshqaıda ketpeıdi, asyl tuqymdy analyq mal basyn satyp alý, sondaı-aq ımportqa táýeldi pozıtsııalar - sút, qus eti, qant qyzylshasy sııaqty basym baǵyttar boıynsha ǵana sýbsıdııalaýǵa qaıta bólinedi», - dedi S. Omarov Senatta depýtattarmen kezdesý barysynda.
Onyń sózine qaraǵanda, ınvestıtsııalyq sýbsıdııalar mashına-traktor parkin jańartýǵa yntalandyratyn bolady, ımport almastyrý men eksporttyq áleýetti iske asyrý máselelerin qosa alǵanda, agroónerkásiptik keshen salasyndaǵy kásiporyndardy jańǵyrtýǵa jáne jańalaryn qurýǵa yqpal etetin bolady.
«ıAǵnı, qazir 39 ınvestıtsııalyq pasport bar, olar boıynsha salynǵan ınvestıtsııalardyń bir bóligi ishinara óteledi. Sýbsıdııalanatyn baǵyttar qaıta qaralyp, tıimsiz pasporttar ońtaılandyryldy. Mysaly, jaıylymdardy sýlandyrýǵa arnalǵan qudyqtar boıynsha sýbsıdııalar normatıvi 80%-dan 25%-ǵa deıin tómendetiledi. Elevatorlar boıynsha pasport alyp tastalady, óıtkeni saqtaý qýattylyqtary jetkilikti. Budan basqa, jumyrtqaly qus fabrıkasy boıynsha pasport alyp tastaldy. Mundaı tásildeme kezinde bıznes osy baǵyttarǵa sózsiz ınvestıtsııa sala alady, biraq memlekettik qoldaý bolmaıdy», - dedi mınıstr.
Onyń aıtýynsha, jańa et kombınattary men sút zaýyttaryn salýdy boldyrmaý máselesi talqylanýda. Óıtkeni óńdeýshi qýattylyqtar jetkilikti, bul rette olar tek 40 paıyzǵa júktelgen. Rekonstrýktsııalaý nemese ishinara jańǵyrtý baǵytyn ǵana qaldyrýǵa bolady. Mysaly, kartop boıynsha qazir jaqsy túsim jınaldy. Endi saqtaý ınfraqurylymy máselesin sheshý kerek, sol kezde naryq maýsymdyq baǵa aýytqýynsyz, turaqty bolady.
«Osylaısha, ınvestıtsııalyq pasporttardy ońtaılandyrý esebinen shamamen 20 mlrd teńge aýyl sharýashylyǵy tehnıkasy men jabdyqtaryn jańartý, taýarlyq sút fermalary, etti baǵyttaǵy qus fabrıkalary, baqtar, jylyjaılar, jemister men kókónisterdi jáne basqa da saqtaý ınfraqurylymy sııaqty basym baǵyttarǵa qaıta bólinetin bolady. Bul rette, biz jumys istep turǵan kásiporyndarǵa, ıaǵnı óz óndirisin keńeıte alatyn bazıstik kásiporyndarǵa súıenemiz. Olarda tájirıbe, azyq bazasy boıynsha áleýet, jolǵa qoıylǵan ótkizý arnalary bar. Sondaı-aq, óńirlerdiń mamandanýyna sáıkes kásiporyndar paıdalanýǵa beriletin bolady. Osy oraıdae «óndiris – óńdeý – ótkizý» tizbegin qurý kerek. Ol úshin irimshik ónimderi, qus eti, shujyq ónimderi jáne ózge de ónimder naryǵyndaǵy ónimderdiń burmalanýy máselesin sheshý qajet. ıAǵnı, biz otandyq ónimdi óndirý úshin ǵana emes, sonymen qatar ótkizý úshin de jaǵdaı týǵyzýymyz kerek», - dedi Saparhan Omarov.
Sóz sońynda ol tásildemeler aıasynda Agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasyna túzetý engizý jumystary júrip jatqanyn aıtty.