Aýyl sharýashylyǵyn tsıfrlandyrýdyń múmkindikteri qandaı

NUR-SULTAN. QazAqparat – Aýyl sharýashylyǵy mınıstrligi málimetinshe, 2020 jyldyń 11 aıynda 8 qus fabrıkasy, sondaı-aq úırek pen qaz ósiretin eki ferma iske qosyldy. Byltyr sút óndirý baǵytynda 13 myń bas maldy qamtıtyn 18 sút-taýarly ferma paıdalanýǵa berildi. Munymen qosa, 3,2 myń bas maly bar 30 otbasylyq sút-taýarly ferma jumysyn bastady.

Japonııaǵa jylqy etin eksporttaýǵa veterınarlyq sertıfıkat kelisildi. Qazirgi kezde Japonııa Qazaqstandaǵy 34 kásiporynnan jylqy etin alýǵa ýaǵdalasty.

Al sút pen sút ónimderin óndiretin 6 qazaqstandyq kásiporyn Qytaı naryǵyna ónim jetkizedi.

Investıtsııalyq sýbsıdııalaý

Memleket tarapynan ınvestıtsııalyq sýbsıdııany tóleý túrinde agroónerkásiptik keshen sýbektilerin qoldaý qarastyrylǵan. Osy oraıda ınvestıtsııalyq salymdar kezinde shyǵyndardy (25%) ishinara óteý eskerilgen. Pandemııaǵa baılanysty álemdik protsesterge qaramastan, ınvestıtsııalyq sýbsıdııalaý baǵdarlamasy boıynsha qarjylandyrýdyń jyl saıyn ósýi qarqyny baıqalyp otyr.

2019 jyly bul maqsatqa respýblıkalyq bıýdjet qarajatynan 107,6 mlrd teńge, 2020 jyly 112,3 mlrd teńge bólindi. Investıtsııalyq sýbsıdııalaý kóleminiń artýy sýbsıdııa alýǵa kelip túsken ótinimder sanynyń ósýine alyp keldi. Osy oraıda 2019 jyly 22,7 myń ótinim bolsa, byltyr 26,2 myńǵa deıin jetti.

2020 jylǵy 11 aıda aýyl sharýashylyǵyndaǵy ınvestıtsııalar 4,7 paıyzǵa artyp, 454 mlrd teńgeni qurady. Sonymen qatar, azyq-túlik óndirýge baǵyttalǵan ınvestıtsııa 18,6 paıyzǵa joǵarylap, 86,5 mlrd teńgege jetti.

Aýyl sharýashylyǵyn tsıfrlandyrý

Aýyl sharýashylyǵy janýarlaryn ıdentıfıkatsııalaý júıesinde 35 mln-nan astam janýar tirkelgen. Osy baǵytta 4,5 myń veterınar maman jumys istep jatyr.

Al Plem.kz saraptamalyq júıesinde mal sharýashylyǵyndaǵy selektsııalyq jáne mal tuqymyn asyldandyrý jumysynyń esebi tsıfrlandyrýdan ótti. 35 myńǵa tarta paıdalanýshy maldyń shyǵý tegin naqtylap, selektsııalyq jumystardy júrgizip, elektrondy formatta zootehnıcheskalyq oqıǵalardy reglamentteı alady.

Otandyq aýyl sharýashylyǵy taýarlaryn óndirýshiler elektrondy ilespe qujattardy alady. 21 ruqsatnama qujatty alý tártibi tsıfrlandyryldy. Memlekettik jer kadastrynyń avtomattandyrylǵan aqparat júıesi jer telimderi boıynsha elektrondy formatta 6,5 mln derekti saqtap otyr.

«Qazirgi kezde barlyq 16 baǵyt boıynsha sýbsıdııalaý 100 paıyz avtomattandyryldy. Onyń ishinde jeteýi ósimdik sharýashylyǵynda, 4-i – mal sharýashylyǵynda, 5-i qarjylyq tetikter salasynda», - delingen Aýyl sharýashylyǵy mınıstrligi málimetinde.

Budan bólek, qanatqaqty joba aıasynda qamtylǵan óńirlerdiń kosmomonıtorınginiń birinshi kezeńinde paıdalanylmaǵan 8,3 mln gektar jer anyqtaldy. Onyń ishinde 2,6 mln gektar jaıylym erikti túrde memleket ıeligine qaıtaryldy. 5,7 mln gektardy paıdalanyp otyrǵan fermerlerge kemshilikterdi joıý týraly eskertý joldandy.

Mal sharýashylyǵynda tsıfrlyq sheshimder men tehnologııalardy engizý kezinde qarjy únemdeýge múmkin boldy. Naqty eginshiliktegi qanatqaqty nysandarda agronomııanyń jańa tehnologııalaryn iske qosý arqyly astyq shyǵymdylyǵy 20 paıyzǵa deıin artyq boldy. Sonymen birge, fermerler shyǵyny 15 paıyzdan astam deńgeıge qysqardy.

Memleket basshysynyń tapsyrmasy boıynsha Aýyl sharýashylyǵy mınıstrligi jer qatynastary salasynda damytý máseleleri turǵysynda zań jobalaý jumystaryn júrgizip jatyr.

Osy oraıda tsıfrlyq tehnologııalardy engizý jolymen jer telimderin usynýdyń qazirgi tártibin tujyrymdamalyq ózgertý qarastyrylǵan.