Aýyl sharýashylyǵy jerlerin jalǵa berýdiń halyqaralyq tájirıbesi qandaı?
Resmı derekterge súıensek, Polsha, Vengrııa, Rýmynııa jáne Bolgarııa tárizdi Shyǵys Eýropa elderinde jekemenshikke ıelený quqy 3-5 jylǵa deıin satý quqyǵyna tyıym sala otyryp engizilgen.
Memleket, jerge jegen jekemenshik ıelikti qoldaı jáne qorǵaı otyryp, ony paıdalaný jáne tutynýdy baqylaý qyzmetin ózine alady.
Jerge menshik týraly suraqqa osy turǵydan kelý, álemdik tájirıbe kórsetkendeı, óte uqypty jáne qoǵam men ekonomıkany tutastaı alǵanda ıgilikti bolyp, sol arqyly jerdi turaqty aınalymǵa túsirýdi qamtamasyz etedi. Aýyl sharýashylyǵy maqsatyndaǵy jer telimderiniń jeke jáne memlekettik menshigin teńquqyly damytý Belgııa, Shvetsııa, Reseı, Italııada bar.
Belgııada jalǵa berý qatynasyn retteý jer telimderin utymsyz jáne maqsatsyz paıdalanýdy, jer ıeligindegi alpaýyttardy boldyrmaý maqsatynda memleket arqyly júzege asyrylady. Shvetsııanyń jeriniń 43%-y nemese 19 mln. ga jekemenshikte, al qalǵan jerler paıdalanýda. Italııada jerler paıdalanylyp, aınalymda bolýy úshin fermer sharýashylyqty tıisti dárejede júrgizbese, tıimdi qoldanýshylarǵa jer telimin májbúrli tártipte jalǵa bergizý (satý) qoldanylady. Túrli sanattaǵy jerdi maqsatty paıdalanýdyń qatal sharttary engizilgen, onyń ishinde terrıtorııany zonalaýdy esepke ala otyryp anyqtalatyn, jer paıdalanýdyń belgilengen erejelerin buzǵany úshin ekologııalyq sıpattaǵy sanktsııalar bar.
Máselen, Reseıde sheteldikterge jalǵa berý merzimi 49 jyldy, al Birikken Arab Ámirlikterinde 99 jyldy quraıdy.
