Aýyl sharýashylyǵy ónimderiniń baǵasy 1,5 paıyzǵa tómendedi

ASTANA. 10 shilde. QazAqparat - Aǵymdaǵy jylǵy maýsym aıynda 2011 jyldyń jeltoqsan aıymen salystyrǵanda ósimdik sharýashylyǵy  salasynda satylǵan ónimder 1,9 paıyzǵa, mal sharýashylyǵy ónimderi 0,8 paıyzǵa arzandaǵan.

 Bul týraly QR Statıstıka agenttiginiń baspasóz qyzmetinen habarlandy. Al qańtar-maýsym aılarynda qarabıdaı baǵasy 6,5 paıyzǵa, tary - 2,8 paıyzǵa, bıdaı  - 2,1, suly -  1 paıyzǵa arzandasa, júgeri baǵasy 3 paıyzǵa, kúrish - 1,7, arpa 0,4 paıyzǵa qymbattaǵan.

Esepti kezeńde qyryqqabat 11,3,  kartop - 11,1, as qyzylshasy -  7,3 paıyzǵa, pııaz - 3,1, sábiz -  0,4, kúnbaǵys tuqymy 10,3 paıyzǵa arzandaǵan.

Qoı eti 9,8 paıyzǵa, jylqy eti - 5,9, iri qara maldyń eti - 4,3 paıyz, qus eti - 4 paıyz, shoshqa - 2,6 paıyzǵa qymbattady. Jumyrtqa 20,4 paıyzǵa, shıki sút 5,2 paıyzǵa arzandady.