«Aýyl» partııasynyń tóraǵasy óz tańdaýyn jasady
«Búgin halyq óz qalaýyn jasaıdy. Bizdiń partııa saılaýaldy úgit-nasıhat jumystaryn tıisti deńgeıde júrgizdi. Sondyqtan bul saılaýdan bizdiń partııanyń úmiti zor. Men ózim biraz saılaýǵa qatystym, biraq bul saılaýdyń orny erekshe. Sebebi partııalar arasynda shynaıy taıtalas ótti jáne barlyǵyna teńdeı múmkindik berildi. Ár partııa óz múmkindigi kórsetip, daýys jınaý úshin eldi aralap úgit-nasıhat jumystaryn júrgizdi», - dedi Álı Bektaev.
Onyń aıtýynsha, saılaýaldy úgit-nasıhat jumystary tolyqtaı zań aıasynda júrgizildi.
«Ortalyq saılaý komıssııasy, memlekettik quzyrly organdar jáne BAQ-ta barlyq partııalar úshin teńdeı jaǵdaı jasaldy. Bir ǵana kedergi tanytqan ol pandemııa jaǵdaıy. Jumys kezinde barynsha sanıtarlyq talaptardy qatań saqtaýǵa týra keldi. Ásirese halyqpen kezdesý kezinde. Eń bastysy ár azamat óziniń konstıtýtsııalyq quqyǵyn durys ári erkin paıdalana bilse bolǵany», - deıdi ol.
Aıta ketsek, «Aýyl» partııasynyń tóraǵasy elordadaǵy 66 mektepte ornalasqan 113 saılaý ýchaskesinde daýys berdi.
