«Aýyl» partııasynyń tóraǵasy daýys berýshilerge alǵys aıtty

NUR-SULTAN. QazAqparat – «Aýyl» halyqtyq-demokratııalyq patrıottyq partııasynyń tóraǵasy Álı Bektaev ózderine daýys bergenderge alǵys aıtty, dep habarlaıdy QazAqparat «Habar 24» telearnasyna silteme jasap.

«Aýyl» partııasy atynan Májilis jáne máslıhat depýtattyǵyna usynylǵan úmitkerler ekzıt-poldyń aldyn ala nátıjesin tyńdady. Qorytyndyǵa sáıkes «aýyldyqtarǵa» saılaýshylardyń 5,75 paıyzy daýys bergen. Al saılaýdyń naqty nátıjesin Ortalyq saılaý komıssııasynyń mamandary aldaǵy ýaqytta jarııalaıdy.

Uıym tóraǵasy Álı Bektaev, «aýyldyqtardy» qoldap, daýys bergen barsha el azamattaryna alǵysyn bildirdi. Jáne úgit-nasıhat jumystaryn júrgizý úshin barlyq múmkindik jasalǵanyn alǵa tartty.

«Aýyl» partııasyn qoldaǵan, aýyl partııasyna tileýles bolǵan barlyq saılaýshyǵa rızashylyǵymyzdy bildirip, basymyzdy ıgimiz keledi. Bizdi qoldaǵan azamattarǵa, aýdandyq oblystyq óńirlik jáne respýblıkalyq shtabynda jumys istegen áriptesterimizge alǵys aıtqymyz keledi. Shynynda kóp jumys atqaryldy. Saılaý biz úshin óte úlken sabaq boldy. Óte úlken tájirıbe boldy. Saılaý bizdiń elimizdiń órkendeýi jolynda jınaqtaǵan taǵy da bir jumys boldy dep aıtýymyzǵa bolady», - dedi Álı Bektaev.