«Aýyl» partııasy Májilis saılaýynda qandaı máseleler kóteredi – Álı Bektaev
«Memleket basshysy Qasym-Jomart Toqaev búgin QR Parlamenti Májilisi jáne máslıhat depýtattary saılaýyn ótkizý sheshimin jarııa etti. Bul sheshimdi «Aýyl» partııasy tolyq qoldaıdy. Oǵan birneshe sebep bar. Birinshiden, qazirgi jasalyp jatqan qadam koronavırýs pandemııasynda bolyp jatqan qıyndyqtarǵa qaramastan qazaqstandyqtarǵa óz konstıtýtsııalyq saılaý quqyǵyn paıdalanýǵa múmkindik beredi. Ekinshiden, bul saılaý erte emes, kesh emes, óziniń konstıtýtsııalyq merziminde óteıin dep jatyr. Onyń óz erekshelikteri bar, partııalar úshin de, saılaýǵa qatysatyn barlyq elektorat úshin de zańǵa sáıkes tolyq daıyndyqqa da, qatysýǵa da, daýys jınaýǵa da múmkindik beriledi degen sóz», - dedi Álı Bektaev elordada tilshilerge bergen suhbatynda.
Sonymen birge, partııa tóraǵasy bul saılaýda kóptegen ózgerister oryn alǵanyn eske saldy.
«Birinshiden, Qazaqstanda alǵash ret 30 paıyzdyq áıelder men jastar kvotasy engeli otyr. Muny da jastar men áıelder úshin óte úlken másele dep esepteımiz. Ekinshi másele – tıisti zańdarǵa Parlament ishindegi oppozıtsııa týraly, olardyń quqyqtary men múmkindikteri tolyq jazylǵan ózgeris engizildi. Úshinshi jańalyq – jergilikti jerlerdegi máslıhat depýtattary da partııalyq tizimmen saılanatyn bolady. ıAǵnı, burynǵydaı bir partııanyń tizimindegi adamdar emes, basqa da partııalardyń músheleri jergilikti máslıhattarda óz daýsyna ıe bolyp, jergilikti problemalardy sheshýge atsalysa alady. Bıylǵy saılaýdyń osyndaı erekshelikteri kóppartııaly Parlamentti jasaqtaýǵa múmkindik beredi dep senemiz. Ol úshin saılaý men daýys sanaǵy kezinde tazalyq pen ádildik kerek. Bul máseleni de Prezıdent óz baqylaýyna alyp otyr», - deıdi Á. Bektaev.
«Aýyl» partııasynyń quramynda jastar men áıelderdiń úlesi 42 paıyzdy quraıdy.
«Aldaǵy ýaqytta partııanyń sezi saılaýǵa qatysý týraly sheshim qabyldap jatsa, partııa músheleri arasynan zańǵa sáıkes 30 paıyz kóleminde jastar men áıelderdi taýyp, dodaǵa qosa alamyz dep oılaımyn. Osynyń barlyǵyn eskere otyryp, «Aýyl» partııasy bul saılaýmen kóp máseleni baılanystyrǵysy kelip otyr. «Aýyl» partııasynda da depýtat bolyp, halqy úshin qyzmet etýge daıyn azamattar, aýylmen óz taǵdyryn baılanystyryp júrgen tulǵalar kóp. Menińshe, bul saılaý kóptegen partııalar úshin, saılaýshylar úshin tarıhı mańyzdy kezeń bolǵaly tur», - dedi Álı Bektaev.
Saılaýǵa qatysý úshin partııanyń óz baǵdarlamasy bolady, ol partııanyń aldaǵy sezinde qabyldanady. Sol platformada partııanyń naqty josparly jumystary jarııalanady.
«Negizgi basymdyq árıne aýyl sharýashylyǵy men aýyl turǵyndarynyń turmys-tirshiligine túsedi. Sebebi, ol jerde sheshiletin másele kóp. Aýyl sharýashylyǵy qazir aldyńǵy qatarǵa shyǵyp tur, agrarlyq sektordyń eń qajetti sala ekenin qazirgi pandemııanyń ózi kórsetti. Azyq-túliksiz ómir joq, azyq-túliksiz densaýlyq joq. Olaı bolsa, qymbat kólikten, qymbat úıden jáne qymbat sharalardan góri taza organıkalyq azyq-túliktiń kóp bolýy halqymyz úshin áldeqaıda paıdaly. Ol úshin aýyl sharýashylyǵy jumys isteýi kerek», - dedi Álı Bektaev.
Budan deıin habarlanǵandaı, Memleket basshysy Qasym-Jomart Toqaev QR Parlamenti Májilisi jáne máslıhat depýtattary saılaýyn taǵaıyndaý týraly úndeý jarııalady.
«Búgin men Parlament Májilisi depýtattarynyń saılaýyn taǵaıyndaý týraly Jarlyqqa qol qoıdym. Ortalyq saılaý komıssııasynyń qaýlysymen barlyq deńgeıdegi máslıhat depýtattarynyń saılaýy taǵaıyndalady. Aldaǵy saılaý konstıtýtsııalyq merzimge sáıkes, 2021 jyldyń 10 qańtarynda ótedi. Barlyq saıası partııalardyń bul saılaý naýqanyna qatysýǵa daıyndalýyna, saılaý aldyndaǵy platformasyn ázirleýine, partııalyq ınfraqurylymdardy jetildirýine ýaqyty jetkilikti boldy. Ortalyq saılaý komıssııasy men Bas prokýratýra saılaýdyń zańdylyǵyn, ashyqtyǵyn jáne ádildigin saqtaý úshin turaqty baqylaý júrgizip otyrady», - dedi Prezıdent.
