Aýyl amanaty: Jetisý oblysy turǵyndaryn shaǵyn nesıemen qamtýǵa 3,2 mlrd teńge bólinedi
2023 jyldyń 22 mamyrynan bastap senimdi ókil qujattardy qabyldady. Esepti kezeńge 1 674 mln teńgege 272 ótinim túsip, búgingi kúnge 18 ótinim, ıaǵnı 91,1 mln teńge maquldanyp, qarjylandyryldy.
Jalpy, respýblıkalyq bıýdjetten 3,2 mlrd teńge bólindi: 1 transh – 1 560 mln teńge, 2 transh – 1 642 mln teńge, barlyǵy 581 nesıe usyný, 616 jumys oryndaryn qurý kózdelgen.
Budan bólek, kásipkerlikti damytý jónindegi ulttyq joba sheńberinde áleýmettik osal toptaryna granttardy berý úshin bıyl 811,4 mln tenge somasyna 588 grant berý josparlanǵan. Búgingi kúnge 219 azamatqa grant berildi.
Osy jyly jastardyń kásipkerlik bastamalary úshin 2,5%-dan jeńildetilgen mıkrokredıt berý maqsatynda oblys boıynsha 1 mlrd 245 mln teńge somasyna 249 mıkrokredıt berý kózdelgen.
Shaǵyn nesıe alý maqsatynda «Agro nesıe korporatsııasy» AQ Jetisý oblysy boıynsha fılıalyna 1 369 346 myń teńge somasyna 293 bıznes-joba tústi. Esepti kezeńge shaǵyn nesıe berý maqsatynda bıznes jobalardy irikteý jónindegi komıssııanyń 7 otyrysy ótti. Otyrystardyń qorytyndylary boıynsha 219 bıznes-joba qaraldy. Nátıjesinde 200 qatysýshyǵa 922 656 myń teńge somasyna shaǵyn nesıe berý týraly sheshim qabyldanyp, 13 bıznes-joba qabyldanbady.
Búgingi kúnge 140 qatysýshyǵa mıkrokredıt berildi, 60 úmitkerdiń qujattary pysyqtalý ústinde. Komıssııa otyrysynda 90 mln somasyna 20 bıznes-joba qarastyrý josparlanǵan. Mysaly, aýyldyq jerde naýbaıhana ashqan kásipker «Aýyl amanaty» baǵdarlamasy aıasynda óz bıznesin keńeıtýdi josparlap otyr. Ashat Málimbaev memlekettik baǵdarlamaǵa qatysýǵa ótinim berdi. Ol naýbaıhanasyn jabdyqtap, oǵan jóndeý jumystaryn júrgizýge nıetti. Sondaı-aq, jylyjaı men sút fermasyn ashýdy da josparlap otyr. Kerbulaq aýdany Qarashoqy aýylyndaǵy naýbaıhana bir jyldan beri jumys istep tur. Kásipker jergilikti jeti adamǵa jalaqysy 70 myń teńgelik jumys berip otyr. Naýbaıhanada bólke nan, aq nan, tandyr nan, toqash, kalash pisiriledi, oǵan qosa tapsyryspen pıtstsa, frı kartobyn ázirlenedi. Munda kúnine 250 dana nan pisiriledi. Sonymen birge, A. Málimbaev kezinde sport mektebi retinde jumys istegen ǵımaratty satyp aldy. Tozǵan nysanǵa kúrdeli jóndeý júrgizip jatyr. Qyrkúıekke deıin jóndep, zamanaýı dene shynyqtyrý-saýyqtyrý kesheni túrinde paıdalanýǵa berýdi josparlap otyr. Onda uldar men qyzdarǵa arnalǵan dýsh bólmeleri, basseın, sport zaldary bar. Aýmaq abattandyrylyp, kógaldandyrylady. Aıta ketý kerek, bıznesmen qurylys jumystaryn óz qarajaty esebinen júzege asyryp jatyr.
Buǵan deıin Aýyl sharýashylyǵy mınıstrligi «Aýyl amanaty» shaǵyn nesıesi kimderge beriletini týraly aıtqan bolatyn. Mınıstrlik málimetinshe, bıyl aýyl sharýshylyǵyn qoldaýǵa bólingen 450 mlrd teńgeden bólek, qosymsha iri jobalardy qoldaýǵa baǵyttalyp, 100 mlrd teńge qarjy bólindi. Onyń ishinde 65 sút fermasyn qurý bar. Qoldaý aıasynda fermerlerdiń 2,5% kredıtti 10 jylǵa alý múmkindigi bar. Odan bólek, «Aýyl amanaty» atty shaǵyn nesıe baǵdarlamasy iske qosylǵan. Oǵan da 100 mlrd teńge bólindi. Maqsat – aýyl turǵyndarynyń tabysyn arttyrý.
