Aýyl ákimin saılaý ıdeıasyn devalvatsııaǵa ushyratyp almaýymyz kerek – depýtat
«Taǵaıyndalǵan ákim men saılanǵan ákimniń arasy jer men kókteı. Taǵaıyndalatyn ákimdi aýdan ákiminiń usynysymen máslıhat bekite salady. ıAǵnı, onyń saılanýyna 14-15 adam sep boldy degen sóz. Al saılanǵan ákim eńseli júredi. Jalpy osy oraıda eki máseleni qamtamasyz etken jón sııaqty. Birinshi - zańnamada durys adamdardyń saılanýyna múmkindik berý. Ekinshi – qarapaıym adamnan ákimge aınalǵan tulǵalarǵa bıýdjettik qatynastar, memlekettik satyp alýlar, salyq máselelerine qatysty semınarlar ótkizý», - dedi Májilis depýtaty Sybaılas jemqorlyqqa qarsy is-qımyl agenttiginiń baspasóz qyzmeti alańynda ótken brıfıngide.
Onyń atap ótýinshe, aýyl, aýdan, oblys ákimderin saılaý óte úlken ıdeıa, halyq pen bıliktiń arasyn jamaıtyn úlken dúnıe sanalady.
«Sol ıdeıany devalvatsııaǵa ushyratyp almaýymyz kerek. Mysaly, erteń ákimder saılanǵannan keıin qolynda dym joq bolsa, 1-2 jyl júredi de, ótinishin jazyp tastap kete beredi. Taǵy saılaıdy, basqa keledi nemese halyqtyń ózi alǵashqy kezde popýlısterge, ekinshi kezekte týǵan-týysyna, rýlasyna daýys beredi. Sóıtip, aýyldyń tynys-tirshiligi buryǵydan beter nasharlap ketetin bolsa, onda ıdeıa joqqa shyqty degen sóz. ıAǵnı, qoǵam tarapynan da, saılaýǵa qatysatyn partııalar men belsendi toptardyń da jaýapkershiligi qajet», - dedi Aıdos Sarym.
Májilis depýtaty eldi mekenderde aýyldyq keńesterdi qaıta jańǵyrtý qajettigin aıtady.
«Aýdan ákimi qabyldaǵan sheshimderdi aýyldyq keńestiń 5-7 adamy bekitip otyrsa - durys bolar edi. Sonda aýyl ákimi «sheshimim negizdelgen, qoǵamnyń talqysynan ótken, ókiletti organ bekitip bergen» dep qoryqpaı jumys isteıtin edi. Al qazir ákimdi búkil halyqpen jalǵyz qaldyrý nemese búkil bıýrokratııalyq mashınaǵa qarsy qoıý - qııanat bolar. Aýyl ákimderin saılaý tarıhı, saıası úlken mańyzy bar, Qazaqstandaǵy ózin-ózi basqarý júıesin damytýǵa úles qosar dúnıe deıtin bolsaq, onda oǵan jan-jaqtan tireý bolyp, kómektesýimiz qajet», - dedi ol.