Aýyl ákimderiniń saılaýy: Aqmola oblysynda 31 úmitker tirkeýden ótti

KÓKShETAÝ. QazAqparat – Bıylǵy jyldyń 25-shi shildesinde elimiz boıynsha ótetin aýyldyq okrýg ákimderiniń saılaýyna Aqmola oblysynda 238 saılaý komıssııasy tartylatyn bolady. Onyń ishinde 20 aýmaqtyq, 218 ýchaskelik saılaý komıssııalary bar. Bul týraly oblystyq saılaý komıssııasynyń tóraǵasy Manarbek Sádýov málim etti, dep habarlaıdy QazAqparat tilshisi.

Onyń aıtýynsha, elimizde alǵash ret ótkeli otyrǵan aýyl ákimderiniń tikeleı saılaýyna daıyndyq jumystary júrgizilýde. Oblys boıynsha aýyldyq deńgeıde 239 ákim bolsa, bıyl olardyń 95-sy, ıaǵnı, 40 paıyzyn osy shilde aıynyń 25-de saılanatyn bolady», - dedi Manarbek Sádýov.

Sonymen qatar, oblystyq saılaý komıssııasynyń tóraǵasy saılaý aımaqta 227 eldi mekende ótetin atap ótti. Olarda 153 myń adam tursa, sonyń ishinde 100 myń saılaýshy saılaý protsesine qatyspaqshy.

«Saılaý ótkiziletin 227 eldi mekenderge toqtalatyn bolsaq, onyń ishinde 8 aýdandyq mańyzy bar qala, 172 aýyldyq okrýg pen 48 aýyl, 11 kent bar. Naýqanǵa 238 saılaý komıssııasy tartylady dep josparlap otyrmyz. Onyń ishinde 20 aýmaqtyq, 218 ýchaskelik saılaý komıssııalary bar. Oblys boıynsha 721 saılaý ýchaskesi bar bolsa, bul joly saılaý protsesine óńirdegi barlyq saılaý ýchaskeleriniń 30 paıyzy qatystyrylady. Sonymen qatar, qazirgi kezde oblys boıynsha 31 úmitker tirkelip kýáligin alsa, ony 29-y saıası partııadan, 2 ózin ózi usynýshy. Budan bólek, 9 adam talapqa saı kelmedi», - dep tolyqtyrdy Manarbek Sádýov.