Australian Open: Zańǵar Nurlanuly úshinshi aınalymǵa joldama aldy

ASTANA. KAZINFORM – Qazaqstandyq tennısshi Zańǵar Nurlanuly jasóspirimder arasynda Aýstralııa ashyq chempıonatynyń úshinshi aınalymyna ótti.

Jarystyń 8-raketkasy bolyp tirkelgen 17 jastaǵy Z.Nurlanuly ekinshi aınalymda aýstralııalyq Taıkı Takızavaǵa qarsy keldi.

Birinshi partııada Zańǵar 7:5 esebimen basymdylyq tanytty. Ekinshisinde kort ıesi ese qaıyrdy – 6:1. Úshinshi, sheshýshi sette Nurlanuly jeńisti julyp aldy – 6:3.

Match 1 saǵat 40 mınýtqa sozyldy.

Zańǵar Nurlanuly shırek fınalǵa shyǵý úshin dodanyń 9-raketkasy, reseılik Savva Rybkınmen talasady. Ol ekinshi aınalymda japonııalyq Hıý Kavanısıdi joldan taıdyrdy – 3:6, 7:5, 6:2.

Taǵy bir qazaqstandyq Damır Jalǵasbaı ekinshi aınalymda erteń aýstrııalyq Tılo Behrmanmen oınaıdy.

Eske sala keteıik, budan buryn Aýstralııa ashyq chempıonatynda Aleksandr Býblıktiń jeńis serııasy toqtaǵanyn jazǵan edik.