Australian Open: Zańǵar Nurlanuly alǵash ret shırek fınalǵa shyqty

ASTANA. KAZINFORM – Qazaqstandyq tennısshi Zańǵar Nurlanuly jasóspirimder arasynda Aýstralııa ashyq chempıonatynyń shırek fınalyna joldama aldy.

Qazaqstandyq tennısshi jasóspirimder arasynda álemdik reıtıngide 12-inshi, al onyń qarsylasy, reseılik Savva Rybkın 13-orynda edi.

Ekeýi de óz elderiniń 18 jasqa deıingiler arasynda birinshi raketkalary bolatyn.

Birinshi partııada Zańǵar aıqyn basymdylyq kórsetti – 6:1.

Ekinshi sette Nurlanuly esep 5:3 bolǵanda, matchqa dop bergenimen, óz múmkindigin múlt jiberdi. Degenmen básekeni taǵy bir breıkpen túıindedi – 6:4.

Osylaısha, qazaqstandyq tennısshi óz sporttyq jolynda alǵash ret Aýstralııa ashyq chempıonatynyń shırek fınalyna shyqty.

Zańǵar Nurlanuly Melbýrnda jartylaı fınalǵa shyǵý úshin Gonkong ókili Kaı Tompsonmen talasady. Ol shırek fınalda rýmynııalyq Mateı Todorandy joldan taıdyrdy – 7:6 (13:11), 6:3.

Ótken jyly Zańǵar AQSh ashyq chempıonatynyń jartylaı fınalyna deıin jetip, tarıhı nátıjeni tirkegen edi.

Eske sala keteıik, budan buryn Aýstralııa ashyq chempıonatynda Rybakınanyń álemniń 2-raketkasyn utyp, jartylaı fınalǵa ótkenin jazǵan edik.