Australian Open: ıÝlııa Pýtıntseva kambekpen kelesi aınalymǵa ótti

ASTANA. KAZINFORM – Qazaqstannyń ekinshi, álemniń 23-raketkasy ıÝlııa Pýtıntseva Aýstralııa ashyq chempıonatynyń ekinshi aınalymyna shyqty.

Qazaqstandyq tennısshi bastapqy kezdesýin dúnıejúzilik reıtıngide 41-orynda turǵan armenııalyq Elına Avanesıanmen ótkizdi.

Birinshi partııada armenııalyq tennısshi sáttirek oınady – 6:4. 

Ekinshi sette Pýtıntseva breıkpen alǵa ketti – 2:0. Biraq setke dop bergende, Avanesıan tarazy basyn teńestirdi – 5:5. Degenmen ıÝlııa taǵy bir breık jasap, degenine jetti – 7:5. 

Úshinshi, sheshýshi partııany da Pýtıntseva breıkpen bastady – 2:0. Sosyn taǵy bir breıkpen esepti 5:2-ge jetkizdi. Sodan keıin matchqa dop bergende, esesin jibergen joq – 6:2.

Eki saǵat 8 mınýtqa sozylǵan tartysty báseke barysynda qazaqstandyq tennısshi 1 eıspen birge 12 breık-poınttyń teń jartysyn óz paıdasyna jazdy. Avanesıan 1 eıs, 4 breıkten (5 breık-poınt) asa almady.

ıÝlııa Pýtıntseva úshinshi aınalymǵa shyǵý úshin reıtıngide 204-satydaǵy qytaılyq Chjan Shýaımen sheberlik talastyrady. Ol álemniń 47-raketkasy, amerıkalyq Makkartnı Kesslerdi qapy qaldyrdy – 6:3, 6:4. 

Ótken jyly ıÝ.Pýtıntseva alǵashqy aınalymnan asa almaǵan edi. Qazirgi kezde ol WTA Live reıtıngisinde 21-orynǵa kóterilip tur. Bul da ózi úshin rekordtyq nátıje bolmaq.

Eske sala keteıik, budan buryn Aýstralııa ashyq chempıonatynda Aleksandr Býblıktiń jarys jolynan shyǵyp qalǵanyn jazǵan bolatynbyz.

Elena Rybakına 16 jastaǵy tennısshini jeńip, ekinshi aınalymǵa shyqty.