Australian Open: Danılına jarystyń 1-raketkasyn jeńip, jartylaı fınalǵa shyqty

ASTANA. KAZINFORM – Qazaqstannyń juptyq syndaǵy birinshi, álemniń 14-raketkasy Anna Danılına Aýstralııa ashyq chempıonatynyń jartylaı fınalyna ótti.

Qazaqstandyq tennısshi serbııalyq Aleksandra Krýnıchpen birge shırek fınalda jarystyń 1-raketkalary, chehııalyq Katerjına Sınıakova – amerıkalyq Teılor Taýnsendke qarsy keldi.

Qazaqstandyq-serbııalyq jup matchty qarqyndy bastady – 6:2.

Ekinshi sette chehııalyq-amerıkalyq dýet ese qaıyrdy – 6:3.

Úshinshi, sheshýshi partııada Danılına – Krýnıch bet qaratpady – 6:0.

Bir saǵat 38 mınýtqa sozylǵan básekede Anna – Aleksandra 1 eıspen birge 6 breık-poınttan shashaý shyǵarǵan joq. Sınıakova – Taýnsend 2 breıkten (5 breık-poınt) asa almady.

Anna Danılına – Aleksandra Krýnıch fınalǵa shyǵý úshin dodanyń 5-raketkalary, kanadalyq Gabrıela Dabrovskı – brazılııalyq Lýıza Stefanımen talasady. Bul jup shırek fınalda atalmysh chempıonatta 3-raketka bolyp tirkelgen taıbeılik Se Shýveı – latvııalyq Elena Ostapenkony qapy qaldyrdy – 6:1, 7:6 (7:5). 

Eske sala keteıik, budan buryn Aýstralııa ashyq chempıonatynda Rybakınanyń álemniń 2-raketkasyn utyp, jartylaı fınalǵa ótkenin jazǵan edik.

Sondaı-aq Zańǵar Nurlanuly alǵash ret shırek fınalǵa shyqty.