Australian Open: Damır Jalǵasbaı jasóspirimder arasynda ekinshi aınalymǵa shyqty

ASTANA. KAZINFORM – Qazaqstandyq tennısshi, 17 jastaǵy Damır Jalǵasbaı jasóspirimder arasynda Aýstralııa ashyq chempıonatyn sátti bastady.

Qazaqstandyq tennısshi bastapqy kezdesýin Polsha ókili Aleksandr Blashpen ótkizdi.

Damır birinshi partııada taı-breıkte sheberlik tanytty – 7:6 (7:1).

Ekinshi sette 7:5 esebi tirkeldi.

Tartysty match 2 saǵat 6 mınýtqa sozyldy.

D.Jalǵasbaı úshinshi aınalymǵa ótý úshin aýstrııalyq Tılo Bermanmen talasady.

Zańǵar Nurlanulynyń ekinshi aınalymdaǵy qarsylasy – aýstralııalyq Taıkı Takızava.

Taǵy bir qazaqstandyq Danıel Tazabekov alǵashqy aınalymda shveıtsarııalyq Flınn Tomasqa ese jiberdi – 4:6, 4:6.

Eske sala keteıik, budan buryn Aýstralııa ashyq chempıonatynda Elena Rybakınanyń tórtinshi aınalymǵa joldama alǵanyn jazǵan edik.

Sondaı-aq 18 jastaǵy Ámir Omarhanov Ispanııadaǵy týrnırde chempıon atandy.