Aýrýhanalarda oryn tapshylyǵy bar ma

ASTANA.KAZINFORM – Kazinform agenttiginiń BIZDIÑ ORTA podkastynda Densaýlyq saqtaý vıtse-mınıstri Erbol Ospanov aýrýhanalarda oryn tapshylyǵyna qatysty túsinik berdi. 

- Perzenthanalarda ondaı problema joq. Biraq balalardy emdeıtin ınfektsııalyq aýrýhanalarda oryn tapshylyǵy bolyp jatady, ıaǵnı tumaý nemese basqa aýrýlardyń maýsymdyq taralýy kezinde baıqalady. Perzenthanalarda ana men balany dálizge shyǵarý degen bolmaıdy, - dedi Erbol Ospanov.

Sonymen qatar vıtse-mınıstrge «demalys kúnderi keıbir perzenthanalarda tek aqyly bólimge kirý kerek degen ereje qalyptasqany» jaıynda suraq qoıyldy. 

- Bul jaǵdaı naqty bir mekemedegi jekeleı bir basshylardyń nusqaýy bolýy múmkin. Jalpy, senbi-jeksenbi qabyldamasyn degen reglament joq. Eger osyndaı derekter anyqtalsa, ony mınıstrlik quramyndaǵy jaýapty komıtet qarastyrady, - dedi ol.

Budan bólek E. Ospanov qazir óńirdegi ınfraqurylymǵa erekshe nazar aýdarylyp otyrǵanyn aıtty.

- Birinshiden, aýyldaǵy medıtsına boıynsha Memleket basshysy naqty tapsyrmany berdi. Bul baǵytta biraz nysan tapsyrylyp jatyr. Aýdandyq aýrýhanalardy jańartý, jóndeý jumystary da erekshe baqylaýda, - dedi vıtse-mınıstr.

Eske salsaq, jaqynda Densaýlyq saqtaý mınıstri Aqmaral Álnazarova sońǵy bes jylda perınataldy ortalyqtar salý máselesi qolǵa alynǵanyn aıtty.