Tarazda Áýlıeata aýdanynyń ákimi taǵaıyndaldy
TARAZ. KAZINFORM — Barlyq Tórehanov Taraz qalasy ákiminiń ókimimen Taraz qalasy Áýlıeata aýdany ákimi bolyp taǵaıyndaldy. Bul týraly Taraz qalasy ákimdigi habarlady.
Barlyq Tórehanov 1979 jyly dúnıege kelgen.
Bilimi joǵary.
Astana qalasynda D.A.Qonaev atyndaǵy ýnıversıtetin zańtaný mamandyǵy;
Almaty qalasynda D.A.Qonaev atyndaǵy kólik jáne quqyq gýmanıtarlyq ýnıversıtetin ekonomıka mamandyǵy;
Qazaqstan Respýblıkasy Prezıdentiniń janyndaǵy Memlekettik basqarý akademııasy janyndaǵy Memlekettik saıasattyń ulttyq mektebin saıasattaný mamandyǵy;
«Qoǵamdyq saıasat jáne menedjment» mamandyǵy boıynsha Dıýk ýnıversıtetin (Soltústik Karolına shtaty, AQSh) aıaqtaǵan, Zańgerler qaýymdastyǵynyń múshesi.
Eńbek jolyn 2000 jyldan bastaǵan:
«Aqnur» jaýapkershiligi shekteýli seriktestigi dırektorynyń orynbasary;
Astana qalasynda «Asyl túlik» aktsıonerlik qoǵamynyń zańgeri;
Aqmola oblysynda «Stroı Grýpp Monolıt» jaýapkershiligi shekteýli seriktestiginiń zań bóliminiń bastyǵy;
Astana qalasynda «Jyljymaıtyn múlik ortalyǵy» Respýblıkalyq Memlekettik qazynalyq kásipornynyń advokattyq qyzmetke baılanysty emes quqyqtyq qyzmet kórsetý, notarıaldyq kýálandyrý, mindetti emes sharttardy tirkeý quqyǵy boıynsha bólimniń bastyǵy;
Almaty qalasy Túrksib aýdandyq Ádilet basqarmasynyń bastyǵy;
Almaty qalasy Ádilet departamenti bastyǵynyń orynbasary;
«Samruk-Kazyna Trust» korporatsııalyq qorynda jobalaý basqarmasy departamentiniń dırektory;
Almaty oblysy Talǵar aýdany ákiminiń orynbasary;
Sońǵy jyldary Ulttyq ekonomıka mınıstrligi Tabıǵı monopolııalardy retteý komıtetiniń Jambyl oblysy departamenti basshysynyń orynbasary jáne joǵaryda atalǵan komıtettiń Almaty oblysy boıynsha departamentiniń basshysy qyzmetterin atqarǵan.
2025 jyldyń 8 mamyrynan bastap Taraz qalasy Áýlıeata aýdany ákimi bolyp taǵaıyndaldy.
Aıta keteıik, saıasat, ekonomıka, bıznes, ǵylym, mádenıet sekildi túrli salada el damýyna eleýli úles qosqan tanymal qazaqstandyqtardyń ómirbaıany men qyzyqty málimetterdi myna jerden oqı alasyz.