Aýyz sý sapasy qalaı tekserilip jatyr

ASTANA. KAZINFORM — QR Sý resýrstary jáne ırrıgatsııa mınıstrligi sý tasqyny kezinde aýyz sý sapasyn tekserý jumystaryna túsinik berdi.

«Respýblıka teńgerimindegi 41 toptyq sý qubyry boıynsha «Qazsýshar» RMK jáne «Nura toptyq sý qubyry» RMK-sy sý tasqyny kezińine daıyndyq boıynsha barlyq qajet sharalardy qabyldady. Birinshi kezekte sýdy tazartý jáne dezınfektsııalaý úshin hımııalyq reagentterdiń tıisti qory jasaldy. Aýyz sýdy tazartýdyń jáne zalalsyzdandyrýdyń barlyq kezeńderinde monıtorıng táýlik boıy júrgizildi», - delingen mınıstrliktiń Kazinform agenttigine bergen jaýabynda. 

Bul turǵyda vedomstvo sý halyqqa berilmes buryn tehnologııalyq talaptarǵa saı zalalsyzdandyrylyp, tazartylatynyn habarlady. 

«Synama alý barlyq kórsetkishter boıynsha atqarylady (ár 8 saǵat saıyn jáne qaldyq hlor – saǵat saıyn, bakterıologııalyq – táýligine 1 ret). Aýyz sýdyń monıtorıngi turaqty negizde júrgiziledi. Jalpy sý tasqyny kezeńinde óńirlerde aýyz sý sapasynyń nasharlaýy baıqalmady», - dep atalyp ótken Sý mınıstrligi aqparatynda.