Aýyr atletıkadan Azııa chempıonaty bastaldy

ASTANA. KAZINFORM – Búgin Ózbekstan astanasy Tashkent qalasynda aýyr atletıkadan Azııa chempıonatynyń jalaýy kóterildi. 

Jarystyń birinshi kúninde Qazaqstannyń atynan Aınur Abdyqalyqova óz ónerin ortaǵa saldy.

45 kelige deıingi salmaqta kúsh synasqan otandasymyz julqa kóterýde 62, al serpe kóterýde 75 kelini baǵyndyryp, qos jattyǵýdyń qorytyndysy boıynsha 137 kelimen 4-orynǵa taban tiredi.

Atalǵan salmaqtan birinshi oryndy Soltústik Koreıadan kelgen atlet Von Sım Hıýn 192 kg (86+106) jeńip alsa, ekinshi orynǵa Taıland sportshysy Sırıvımon Pramonghol 163 kg (72+91) qol jetkizdi. Al úzdik úshinshi orynyǵa Taıpeı sportshysy Hong Zı-ıÝ 162 kg (72+90) ıe boldy.
10 aqpanǵa deıin jalǵasatyn saryqurlyq dodasynda el namysyn erler arasynda Aqmolda Saıramkez (67 kg), Álibek Raqymberdi (73 kg), Aleksandr Ývarov (81 kg), Sergeı Petrovıch (96 kg), Kırıll Staroverkın (96 kg) qorǵaıdy.

Al áıelder arasynda Aınur Ábdihalyqova (45 kg) men Araı Nurlybekova (81 kg) synǵa túsedi.
Tashkentte Azııa chempıonaty erler arasynda 52-shi, al áıelder arasynda 33-ret ótpek. Aıta keteıik, sary qurlyq básekesinde Parıj Olımpıadasyna joldama alýǵa múmkindik beretin upaılar sarapqa salynady.

Ózbekstan astanasynda qurlyq básekesi osyǵan deıin 2016 jáne 2021 jyly ótken. Segiz jyl buryn Ulttyq qurama 85 kg baq synaǵan Denıs Ýlanovtyń altynymen shektelse, pandemııadan keıin ótken alǵashqy alamanda 7 júldemen (1 altyn, 3 kúmis, 3 qola) jalpy esepte 4-satyǵa turaqtaǵan.