Aýyldaǵy arhıv mamandarynyń jalaqysy 25% ósedi

ASTANA. KAZINFORM – QR Mádenıet jáne aqparat vıtse-mınıstri Aıbek Sydyqov «QR keıbir zańnamalyq aktilerine arhıv isi máseleleri boıynsha ózgerister men tolyqtyrýlar engizý týraly» zań jobasyn tanystyrdy. Onda arhıv mamandarynyń jalaqysy boıynsha jańa normalar kózdelgen.

— Qoldanystaǵy zańnamada arhıv mamandary sanatynyń bolmaýyna baılanysty «azamattyq qyzmetshi» sanalatyn memlekettik arhıv mamandaryna laýazymdyq jalaqynyń 25% mólsherinde jasalatyn tólemniń zańdylyǵy týraly másele týyndady. Osy jaǵdaılardy eskerip, zań jobasynda mamandardy tólem túrindegi áleýmettik sharalarmen qamtý maqsatynda «azamattyq qyzmetshiler» sanatyna kiretin aýyldyq jerlerde jumys isteıtin sala mamandary tizbesine arhıvterdi qosýdy kózdeıtin jańa norma usynylady. Bul norma aýyldyq eldimekenderde jumys isteıtin arhıvshi mamandarǵa 25% qosymsha tólem jasaýdy júzege asyrady, — dedi vıtse-mınıstr Aıbek Sydyqov. 

Onyń aıtýynsha, qazirgi ýaqytta arhıv mamandarynyń eń tómengi jalaqysy 160 myń teńge shamasynda, ortaq jalaqy — 260 myń teńge. 

Budan basqa, zań jobasynda arhıvterde saqtalatyn azamattardyń derbes derekteri men jeke aqparatyn qorǵaýdy qamtamasyz etý jónindegi memlekettik arhıvterdiń fýnktsııalary bekitilgen. 

Buǵan deıin Májilis depýtaty Edil Jańbyrshın jańa ratıfıkatsııalanatyn zań jobalarynyń qorytyndylaryn oqyǵan edi.