Aýǵanstan aýmaǵynda búgin ekinshi ret jer silkindi

ALMATY. QazAqparat - Qazaqstan Respýblıkasy Tótenshe jaǵdaılar mınıstrliginiń seısmıkalyq stansalar jelisi 11 sáýir kúni Almaty ýaqytymen saǵat 10:52-de jer silkinisin tirkedi, dep habarlaıdy QazAqparat.

«Jerasty dúmpýiniń oshaǵy Almaty qalasynan ońtústik-batysqa qaraı 963 shaqyrym jerde, Aýǵanstan aýmaǵynda ornalasty. Energetıkalyq sanaty – 11.3.

MPV magnıtýdasy – 5.3.Epıtsentr koordınattary - 36,62°, soltústikke qaraı – 69,58° shyǵysqa qaraı.Tereńdigi - 40 km.Sezilý týraly aqparat (MSK-64 shkalasy boıynsha): joq», - delingen habarlamada.
Aıta keteıik, bul Aýǵanstan aýmaǵynda búgin bolǵan ekinshi jerasty dúmpýi. Almaty ýaqytymen saǵat 09:37-de tirkelgen jer silkinisiniń magnıtýdasy 5,4 ball boldy.