Aýǵanstan áskerı ushaǵy Ózbekstan aýmaǵynda apatqa ushyrady
Buǵan deıin áleýmettik jelilerde Ózbekstan aýmaǵynda Aýǵanstan ÁÁK áýe kemesiniń apatqa ushyraǵan vıdeosy men sýretteri taraǵan edi.
ÓR Qorǵanys mınıstrliginiń baspasóz qyzmeti Aýǵanstan áskerı-áýe kúshteriniń ushaǵy áýe keńistigin zańsyz kesip ótip, Ózbekstan aýmaǵynda apatqa ushyraǵanyn rastady.
«Keshe keshke Aýǵanstan ÁÁK áýe kemesi memlekettik shekarany buzyp, Ózbekstannyń Sýrhandarııa oblysy Sherabad aýdanynda apatqa ushyrady. Qazir tergeý júrip jatyr, onyń qorytyndysy boıynsha oqıǵanyń mán-jaıy belgili bolady», - dep túsindirdi QazAqparat tilshisine ÓR Qorǵanys mınıstrliginen.
Eske salaıyq, Aýǵanstandaǵy jaǵdaıdyń ýshyǵýyna baılanysty 14 tamyzda 84 aýǵan áskerı qyzmetshisi Ózbekstan shekarasyn kesip ótken bolatyn. Shekara buzýshylar qarsylyq tanytpaǵan, jaraqat alǵan úsh adamǵa medıtsınalyq kómek kórsetýdi suraǵan.
Avtory Mádıbek Jánibekov
