Áýejaıda toqtatylǵan reseılik kompanııanyń ushaǵy elordadan ushyp ketti

NUR-SULTAN. QazAqparat - Memlekettik kirister komıteti «VOLGA DNEPR AIRLINES» kompanııasy áýe kemesine qatysty qosymsha ákimshilik is toltyrǵan, dep habarlaıdy QazAqparat.

««VOLGA DNEPR AIRLINES» kompanııasy áýe kemesine qatysty ákimshilik hattama toltyrylyp, kedendik rásimder júrgizildi. Sondyqtan áýe kemesi elorda áýejaıynan ushyp ketti», - delingen komıtet habarlamasynda.

Eske salsaq, búgin Nursultan Nazarbaev» Halyqaralyq áýejaıynda «VOLGA DNEPR AIRLINES» áýe kompanııasynyń Úrimshi (QHR) – Nur-Sultan – Máskeý baǵytyndaǵy kommertsııalyq reısiniń RA-82074 nómirli áýe kemesi toqtaǵan. Ol týraly áýejaı qyzmeti «Áýejaı Astana» keden beketiniń qyzmetkerlerine tez arada habarlaǵan. Degenmen, áýe kemesiniń ekıpajy jáne onyń ókili belgilengen ýaqyt ishinde kedendik rásimdeýge qajetti kedendik qujattar men málimetterdi usynbaǵan. Sondyqtan, áýe kompanııasyna qatysty QR «Ákimshilik quqyq buzýshylyq týraly» Kodeksiniń 538-babymen ákimshiliktik óndiris qozǵaldy.