Aýdıt: Jospardaǵy 858 aýyldyń eshbirine keńjolaqty ǵalamtor tartylmaǵan

ASTANA. KAZINFORM –«Qoljetim ınternet» ulttyq jobasynyń atyna zaty saı bolmaı tur. Joǵary aýdıtorlyq palata múshesi Nurlan Nurjanovtyń Májiliste oqyǵan baıandamasynan osyny ańǵarýǵa bolady.

— 2024 jyly «Qoljetimdi ınternet» ulttyq jobasynyń kórsetkishteriniń tek 33 paıyzyna qol jetkizildi. Josparlanǵan 751 myń turǵyny bar 858 aýyldyń eshqaısysy talshyqty-optıkalyq baılanys jelileri arqyly keńjolaqty ınternetpen, al 35 myń turǵyny bar 328 eldi meken spýtnık arnasymen qamtamasyz etilmegen, — dedi palata ókili.

Nurlan Nurjanov byltyr jekeshelendirý qarqyny tómendep, nebári 14 obekt satylǵanynan eske saldy.

— «Samuryq-Qazyna» aktsıonerlik qoǵamy satyp alý tártibine jıi ózgerister engizetini baıqalady. Orta eseppen ár eki saıyn ózgerister engizip kelgen, — dedi ol.

Sondaı-aq, ol Úkimet byltyr bıýdjettiń shyǵys bóligin 13 ret ózgertkenin atap ótti.