Aýa raıyna baılanysty taǵy bir óńirde joldar jabyldy

QARAǴANDY. QazAqparat – QazAvtoJol aýa raıynyń buzylýyna baılanysty taǵy bir óńirde trassa jabylǵanyn málim etti, dep habarlaıdy QazAqparat.

«Qaraǵandy óńirinde aýa raıynyń qolaısyzdyǵyna baılanysty «Ekaterınbýrg-Almaty» tasjolynyń eki bóliginde jol qozǵalysyna shekteý engizildi.

Barlyq kólik túri úshin Qaraǵandy qalasynan Aqsý-Aıýly aýylyna deıingi aralyq jabyq (avtojoldyń 1492-1610 km aralyǵy).
Sondaı-aq qoǵamdyq jáne júk kólikteri úshin atalmysh kúre joldyń Aqsý-Aıýly aýylynan Balqash qalasyna deıingi aralyǵy jabyq (avtojoldyń 610-1854 km aralyǵy).

Eske salaıyq, buǵan deıin boranǵa baılanysty barlyq kólikke Astana - Şýchınsk avtojolymen qozǵalysqa tyıym salynǵan bolatyn. Sondaı-aq elorda mańyna qatynaıtyn avtobýs reısten alyndy. Sınoptıkter eldiń basym óńirinde 21 aqpan kúni burqasyn, tuman, kóktaıǵaq bolatynyn eskertti.